كەلتىرىلگەن شىعىن مولشەرى بەلگىلەنىپ جاتىر. الاياقتان زارداپ شەكتىك دەگەن 100-گە جۋىق جابىرلەنۋشى پوليتسياعا جۇگىندى، زارداپ شەككەندەر ودان كوپ بولۋى مۇمكىن. پوليتسيانىڭ مالىمەتىنشە، ەر ادام ينتەرنەتتەن ادامداردىڭ جەكە سايكەستەندىرۋ نومىرلەرىن الىپ، ونلاين- بانكينگ ارقىلى نەسيە راسىمدەپ، اقشانى ءوز شوتىنا اۋدارىپ وتىرعان. الاياقتىق ءۇشىن ۇستالعان جەتى جىلعا دەيىن باس بوستاندىعىنان ايىرىلۋى مۇمكىن.
«ول ءتۇرلى جولمەن ادامداردىڭ ج س ن نومىرلەرىن الىپ نەسيە راسىمدەپ وتىرعان. زارداپ شەككەندەر بۇكىل قازاقستان بويىنشا بار»، - دەپ ءتۇسىندىردى قاراعاندى وبلىسى پوليتسيا دەپارتامەنتىنىڭ كريمينالدىق پوليتسيانىڭ كيبەرقىلمىسپەن كۇرەس ءبولىمىنىڭ باستىعى ءمادي باعدات ۇلى.
باس پروكۋراتۋرانىڭ مالىمەتىنشە، سوڭعى بەس جىلدا كيبەرقىلمىستاردىڭ سانى 10 ەسە ءوستى. قازىردىڭ وزىندە 20 مىڭنان استام ەپيزود تىركەلگەن. كوبىنەسە ازاماتتار تانىمال سايتتار مەن الەۋمەتتىك جەلىلەردە ونلاين- ساتىپ الۋ كەزىندە الداۋدىڭ قۇربانى بولادى. قازاقستاندىقتاردان بارلىق جاعدايلار تۋرالى پوليتسياعا حابارلاۋدى جانە تاۋارسىز تولەم جۇرگىزبەۋدى سۇرايدى.