شاڭحايدا ك ۆ ي- دەن ەمدەيتىن 100 دەن استام ۋاقىتشا اۋرۋحانا سالىندى
ولار 160 مىڭنان ارتىق ناۋقاسقا ەسەپتەلگەن.
بۇل تۋرالى مەگاپوليستىڭ اكىمشىلىگى باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات.
«قالادا قازىر 8 مىڭنان استام ناۋقاستى قابىلداي الاتىن 8 اۋرۋحانا جۇمىس ىستەپ تۇر. وسى دەمالىستا تاعى جاڭادان اشىلادى. ەپيدەميولوگيالىق جاعدايعا قاراي اۋرۋحانالار مەن ۋاقىتشا مودۋلدى ستاتسيونارلاردى قاجەتتى رەسۋرستارمەن قامتاماسىز ەتۋ جاعى كۇشەيتىلەدى»، - دەدى شانحاي ۆيتسە-مەرى تسزۋن مين.
كۇنى كەشە قالادا COVID-19 ىندەتىن جۇقتىرعان 1015 ناۋقاس تىركەلدى، سونداي-اق 22609 ادامنىڭ كوروناۆيرۋستى سيپمتومسىز تاسىمالداۋشى ەكەنى انىقتالعان. باسپا ءسوز ءماسليحاتىندا ايتىلعانداي، بۇگىن شاھاردا انتيگەندەرگە جالپىقالالىق تەستىلەۋ باستالدى.
ال ىندەتتىڭ جايىلۋىنا جول بەرمەۋ ءۇشىن COVID-19 نۋكلەيندى قىشقىلدارىنا جاپپاي تەستىلەۋدىڭ تاعى ءبىر كەزەڭىن وتكىزۋ جوسپارلانىپ وتىر.
بۇعان دەيىن قىتايدا كوروناۆيرۋس جۇقتىرۋدىڭ رەكوردتىق سانى - 23107 ادام تىركەلگەن بولاتىن.