تۇرعىنداردىڭ كارانتين تالاپتارىن ساقتاۋىنىڭ الدىن الۋ بويىنشا رەيد تۇراقتى تۇردە ءوتىپ جاتىر. وسىنداي كەزەكتى شارا بارىسىندا بايدىبەك اۋدانىنىڭ پوليتسەيلەرى كارانتين مەن سانيتارلىق- ەپيدەميولوگيالىق نورمالاردى بۇزعان تۇرعىنداردى انىقتادى. بوگەن اۋىلدىق وكرۋگىندەگى ەركىن جايىلىمداردىڭ بىرىندە بايدىبەك ا پ ب قىزمەتكەرلەرى جەرگىلىكتى تۇرعىننىڭ اس بەرۋ قۇرمەتىنە كوكپار ۇيىمداستىرعانىن انىقتادى. ءتارتىپ ساقشىلارى ءىس- شاراعا قاتىسۋشىلارعا كارانتين تالاپتارىنا بۇزباۋ كەرەكتىگىن ءتۇسىندىردى.
سونداي- اق شەكتەۋ شارالارىن بۇزا وتىرىپ، 100-گە جۋىق ادامدى جيناعان كوكپار ۇيىمداستىرۋشىلارىن جاۋاپقا تارتتى. ءىس- شارانى ۇيىمداستىرۋشىلارعا قاتىستى ق ر ا ق ب ت ك 425-بابى بويىنشا اكىمشىلىك حاتتاما تولتىرىلدى. جينالعان ماتەريالدار ءتيىستى زاڭدى شەشىم قابىلداۋ ءۇشىن قۇزىرەتتى ورگاندارعا جىبەرىلدى.
ەستەرىڭىزگە سالا كەتەيىك، باس مەملەكەتتىك سانيتار دارىگەردىڭ قاۋلىسىنا سايكەس تۇركىستان وبلىسىنىڭ اۋماعىندا حالىق اراسىندا كوروناۆيرۋس ينفەكسياسى تارالماس ءۇشىن كارانتين رەجيمى ەنگىزىلگەن. وبلىستا پوليتسيا قىزمەتكەرلەرىنەن، س ە س جانە جەرگىلىكتى اتقارۋشى ورگان وكىلدەرىنەن تۇراتىن موبيلدى توپتار قۇرىلدى. ءوز كەزەگىندە تۇركىستان وبلىسىنىڭ پوليتسەيلەرى ازاماتتاردى كارانتين رەجيمىن قاتاڭ ساقتاۋعا، مەديتسينالىق بەتپەردە كيۋگە، انتيسەپتيك قولدانۋعا جانە الەۋمەتتىك قاشىقتىقتى ساقتاۋعا شاقىرادى. سونداي- اق، ەگدە جاستاعى تۇرعىندار مەن بالالار شۇعىل قاجەتتىلىكسىز ۇيدەن شىقپاۋى كەرەك.
اۆتور: اياۋلىم التىنبەك