«بۇگىنگى تاڭدا مەديتسينالىق بەتپەردەلەر ءوندىرىسىنىڭ كولەمى تاۋلىگىنە 1,2 ميلليون دانانى قۇرايدى. بۇل ىشكى نارىقتىڭ قاجەتتىلىگىن تولىعىمەن جابادى. جىل سوڭىنا دەيىن فارماتسيەۆتيكالىق كومپانيالار اتالعان كورسەتكىشتى تاۋلىگىنە 1,5 ميلليون داناعا دەيىن ارتتىرۋدى جوسپارلاپ وتىر»، - دەلىنگەن ق ر يندۋستريا جانە ينفراقۇرىلىمدىق دامۋ مينيسترلىگىنىڭ اقپاراتىندا.
ۆەدومستۆو مالىمەتىنشە، ءوسىم «Dolce - Pharm» ج ش س- دا شىعارىلاتىن ءونىم كولەمىنىڭ 67 پايىزعا ارتۋىمەن بايلانىستى. بۇگىندە اتالعان فارماتسيەۆتيكالىق كومپانيا مەديتسينالىق بەتپەردەلەردىڭ ءىرى وندىرۋشىلەرىنىڭ ءبىرى بولىپ سانالادى.
«Dolce-Pharm» توقىلماعان ماتەريالداردان ءتۇرلى بەتپەردەلەر شىعارادى. ⠀
مىسالى، كومىر سۇزگىسى بار ماسكالاردا تالشىقتى بەلسەندىرىلگەن كومىردەن تۇراتىن بىرەگەي سۇزگى ماتەريالى قولدانىلادى. بۇل سۇزگى ماتەريالىنىڭ تەحنولوگيالىق ەرەكشەلىگى 99,5 پايىز تازا كومىرتەكتى قامتيدى جانە زياندى بولشەكتەردى سىڭىرە الادى. مۇنداي ماتەريالدىڭ ءبىر گرامى 200 م گ زياندى زاتتاردى ۇستاپ قالۋعا قابىلەتتى. كومىر سۇزگىسى بار بەتپەردەلەر سۇزگىش ەلەمەنت ارقىلى زياندى بولشەكتەر، مولەكۋلالار مەن ۆيرۋستاردىڭ ەنۋىنە جول بەرمەيدى.
«كومىر» ماسكاسىنىڭ ادەتتەگىدەن ايىرماشىلىعى، ادامدى 4 ساعات بويى قورعايدى جانە وندا تىنىس الۋ وڭاي. سونىمەن قاتار، ءوندىرىس وشاعى 3 قاباتتان تۇراتىن بىررەتتىك بەتپەردەلەر جانە Fish-Type بەتپەردە رەسپيراتورلارىن شىعارادى.
سونداي-اق 7 ايدىڭ قورىتىندىسى بويىنشا «حيمفارم» ا ق- دا وڭ ناتيجەلەرگە قول جەتكىزىلدى، ءوندىرىس كولەمى 9 پايىزعا ءوستى.
«س ق-فارماتسيا» ءبىرىڭعاي ديستريبيۋتورى ارقىلى تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا دارىلىك زاتتار مەن مەديتسينالىق بۇيىمداردى جەتكىزۋ ۇلعايتىلدى.
قازىرگى ۋاقىتتا زاۋىت انتيبيوتيكتەردىڭ ستەريلدى ۇنتاقتارى، امپۋلاداعى ينەكتسيالىق ەرىتىندىلەر، ينفۋزيالىق ەرىتىندىلەر، تابلەتكالار، كاپسۋلالار، ساشاداعى ۇنتاقتار، سيروپتار تۇرىندە گەنەريك ءدارى-دارمەكتەرىنىڭ 113 تەن استام ءتۇرىن شىعارادى.
وندىرىستىك پروتسەستىڭ بارلىق كەزەڭدەرى تەستىلەۋدەن وتەدى جانە ميكروبيولوگيالىق تازالىققا سەرتيفيكاتتالادى. ءونىمنىڭ ساپاسى قازىرگى زاماناۋي جابدىقتارمەن جابدىقتالعان كومپانيانىڭ زەرتحاناسىندا باقىلانادى.