قىتايدىڭ «شينحۋا» اگەنتتىگى «قازاقپاراتتى» 100 جىلدىق مەرەيتويىمەن قۇتتىقتادى
«شينحۋا» اگەنتتىگىنىڭ پرەزيدەنتى تساو مينچجاو «قازاقپارات» ح ا ا» ا ق باسقارما ءتوراعاسى اسقار ۋماروۆقا قۇتتىقتاۋ حات جولدادى.
«قازاقپارات» حالىقارالىق اقپارات اگەنتتىگى ءوزىنىڭ 100 جىلدىق مەرەيتويىن اتاپ ءوتىپ جاتىر. مەن «شينحۋا» اقپارات اگەنتتىگىنىڭ اتىنان سىزگە جانە قازاقپاراتتىڭ بارلىق قىزمەتكەرلەرىن شىن جۇرەكتەن قۇتتىقتايمىن. «قازاقپارات» اگەنتتىگى - ورتالىق ازياداعى ەڭ بەدەلدى جاڭالىقتار ۇيىمى. وسى ءجۇز جىلدىق كەزەڭ ىشىندە قازاقپارات اگەنتتىگى قازاقستان مەن الەم تاريحىنىڭ جازۋشىسى عانا ەمەس، سونىمەن بىرگە قىتاي مەن قازاقستان اراسىنداعى تاتۋ كورشىلىك جانە دوستىق، سونىمەن قاتار جان-جاقتى ستراتەگيالىق سەرىكتەستىك قاتىناستاردىڭ كۋاگەرى، قاتىسۋشىسى جانە ناسيحاتشىسى بولدى»، دەلىنگەن قۇتتىقتاۋدا.
تساو مينچجاو قازاقستان مەن قىتاي - تاتۋ كورشىلەر، جاقسى سەرىكتەستەر جانە ەلدەر اراسىنداعى تاتۋ كورشىلىك جانە دوستىق قاتىناستاردىڭ ۇلگىسى ەكەنىن اتاپ ءوتتى. ونىڭ ايتۋىنشا، «شينحۋا» اقپارات اگەنتتىگى مەن «قازاقپارات» اگەنتتىگى قازاقستان مەن قىتاي اراسىندا ديپلوماتيالىق قاتىناستار ورناعاننان كەيىن كوپ ۇزاماي تىعىز جانە دوستىق ىنتىماقتاستىق ورناتقان.
«2017-جىلدىڭ ماۋسىمىندا ءبىزدىڭ تاراپتار ءوزارا قارىم-قاتىناستى ودان ءارى تەرەڭدەتەتىن ىنتىماقتاستىق تۋرالى مەموراندۋمعا قول قويدى. مەن سىزدەرمەن ەكىجاقتى ىنتىماقتاستىقتىڭ تەرەڭدىگى مەن كەڭىستىگىن العا جىلجىتۋ ءۇشىن جۇمىس ىستەۋگە دايىنمىن. مەن سىزبەن بىرگە ەكىجاقتى ىنتىماقتاستىقتىڭ تەرەڭدىگى مەن كەڭدىگىن العا جىلجىتۋ ءۇشىن، ەكى حالىق اراسىنداعى ءوزارا تۇسىنىستىكتى ودان ءارى ىلگەرىلەتۋ ءۇشىن، سونداي-اق «ءبىر بەلدەۋ ءبىر جول» ستراتەگياسىن قۇرۋ ءۇشىن ەكى ەل اراسىنداعى ىنتىماقتاستىقتا بەلسەندى ءرول اتقارۋ ءۇشىن جۇمىس ىستەۋگە دايىنمىن. ءسىزدىڭ باسشىلىعىڭىزبەن «قازاقپارات» اگەنتتىگى ودان ءارى تابىستى داميدى دەپ سەنەمىن! «قازاقپارات» اگەنتتىگىنىڭ وركەندەۋىن شىن جۇرەكتەن تىلەيمىن! سىزگە جانە «قازاقپارات» اگەنتتىگىنىڭ بارلىق قىزمەتكەرلەرىنە مىقتى دەنساۋلىق جانە باقىت تىلەيمىن!»، - دەدى «شينحۋا» اگەنتتىگىنىڭ پرەزيدەنتى تساو مينچجاو.