ق ر يندۋستريا جانە ينفراقۇرىلىمدىق دامۋ مينيسترلىگىنىڭ Telegram پاراقشاسىندا جاريالانعان اقپاراتقا قاراعاندا، 2019 -جىلى قازاقستاننىڭ اۆتوموبيل ونەركاسىبىندە 359,5 ميلليارد تەڭگەگە 50447 كولىك قۇرالى شىعارىلىپ، ناقتى كولەم يندەكسى 162,5 پايىزدى قۇرادى.
بارلىق جاڭا تەحنيكانىڭ جارتىسى ەڭ ءىرى اۆتوكوندىرۋشى - «سارىارقااۆتوپروم» كاسىپورنىندا قۇراستىرىلدى.
«وتكەن جىلى قوستاناي زاۋىتى ءوندىرىستى ەكى ەسەگە ارتتىرىپ، 25802 جەڭىل، جۇك كولىگى مەن اۆتوبۋستار شىعاردى. ال بيىل ءوندىرىس كولەمىن 51400 گە دەيىن جەتكىزۋدى جوسپارلاپ وتىر. ونىمدىلىك ولشەمى بويىنشا قازاقستاندىق «ازيا اۆتو» اۆتوقۇراستىرۋ زاۋىتى دا كوشباسشىعا اينالدى. وتكەن جىل قورىتىندىسى بويىنشا زاۋىتتا 20 مىڭ ارناۋلى تەحنيكا قۇراستىرىلدى. بيىلعى جوسپار بويىنشا كاسىپورىندا 44 مىڭ تەحنيكا شىعارىلۋى ءتيىس»، - دەپ اتاپ وتەدى مينيسترلىكتەن.