حابارلايدى قازاقپارات ءتىلشىسى اقمولا وبلىستىق ىشكى ساياسات باسقارماسىنا سىلتەمە جاساپ.
اقمولا وبلىستىق دەنساۋلىق ساقتاۋ باسقارماسىنىڭ مالىمەتىنشە، ناۋقاستاردى ەمدەۋدە ولاردىڭ بۇرىننان اۋىرىپ كەلە جاتقان جۇرەك- قان تامىرلارى جانە تىنىس الۋ جۇيەسى سياقتى اۋرۋلارى ءبىراز كەدەرگى كەلتىرگەن. بۇل ناۋقاستاردىڭ كوپشىلىگى قارتتار، ەكىنشى توپتاعى مۇگەدەكتەر، توعىزى توسەككە تاڭىلعاندار. تاعى ەكەۋى وكپە قابىنۋدىڭ اسقىنعان تۇرىمەن اۋىرعاندىقتان جاعدايلارى اۋىر حالدە بولدى.
«ءبىزدىڭ دارىگەرلەر ناۋقاستارعا ەرەكشە قامقورلىقپەن قارادى. ولاردىڭ تەز ساۋىعىپ كەتۋى ءۇشىن قولدان كەلگەننىڭ بارلىعىن جاسادى»، - دەيدى جۇقپالى اۋرۋلار بولىمشەسىنىڭ دارىگەرى ۆيكتور شالايەۆ.
دارىگەرلەردىڭ اتاپ وتۋىنشە، ەلىمىزدەگى ەڭ قارت ناۋقاس وسى جىلى 5 - مامىردا 100-گە تولادى. ول وسىدان بىرنەشە كۇن بۇرىن «كوروناۆيرۋس ينفەكسياسىنىڭ جەڭىل ءتۇرى» دياگنوزىمەن اۋرۋحاناعا جاتقىزىلعان بولاتىن.
ايتا كەتەيىك، بۇگىنگى كۇنى اقمولا وبلىسىندا 60 ادام كورونۆيرۋستەن جازىلىپ شىقتى. تاعى 8 ناۋقاستى الداعى كۇندەرى شىعارۋ جوسپارلانعان.
اۆتور: اسلان وسپانوۆ