جەڭىل اتلەتيكادان الەم چەمپيوناتىندا رەكورد ورناتقاندار 100 مىڭ دوللارمەن ماراپاتتالادى
ق ر ۇلتتىق وليمپيادالىق كوميتەتى حابارلاعانداي، الەمدىك دوداعا 205 مەملەكەتتەن جالپى ەسەبى 3500 اتلەت قاتىسادى.
«سپورت پاديشاسى» سانالاتىن جەڭىل اتلەتيكادان الەم بىرىنشىلىگىندە 47 جۇلدە جيىنتىعى ساراپقا سالىنادى. سونداي-اق، جۇلدەلى ورىندار ءۇشىن ءىرى كولەمدە اقشالاي سىيلىقتار بەكىتىلگەن.
حالىقارالىق جەڭىل اتلەتيكالىق فەدەراتسيالار قاۋىمداستىعى (IAAF) الەمد چەمپيوناتىنىڭ جۇلدە قورى 7,53 ميلليون دوللار ەكەنىن مالىمدەدى. جەكەلەي سىندا جەڭىسكە جەتكەن سپورتشىلار 60 مىڭ دوللارعا يەلىك ەتەدى. ەكىنشى جانە ءۇشىنشى ورىن العان اتلەتتەر تيىسىنشە 30 جانە 20 مىڭ دوللار سىيعا تارتىلماق. ال الەمدىك رەكوردتى جاڭارتقاندارعا 100 مىڭ دوللاردان بولىنەدى.
ەستەرىڭىزگە سالا كەتەيىك، وسىعان دەيىن جەڭىل اتلەتيكادان الەم بىرىنشىلىگىندە قازاقستاندىق اتلەتتەردىڭ جارىس كەستەسىن جاريالاعان بولاتىنبىز. سونداي-اق، بىرىنشىلىكتە قازاقستان نامىسىن كىمدەردىڭ قورعايتىنى بەلگىلى بولعان ەدى.
اۆتور: كۇنسۇلتان وتارباي