ديماش قۇدايبەرگەن الەمنىڭ ەڭ ادەمى 100 ادامى رەيتينگىنە ەندى
22:10, 28 - جەلتوقسان 2018
استانا. قازاقپارات - قازاقستاندىق ءانشى ديماش قۇدايبەرگەن TC Candler سايتىنىڭ نۇسقاسى بويىنشا الەمنىڭ ەڭ ادەمى تۇلعالارىنىڭ جۇزدىگىنە ەندى.
جىل سايىن بۇل سايت تاۋەلسىز ساراپشىلارمەن بىرلەسە وتىرىپ، اياقتالىپ بارا جاتقان جىلدىڭ ەڭ ادەمى تۇلعالارىنىڭ رەيتينگىن جاساپ شىعارادى.
ءتىزىمنىڭ ايەلدەرگە جانە ەركەكتەرگە ارنالعان ەكى نۇسقاسى بار.
باستاپقىدا بۇل كىشىگىرىم جوبا بولعان، الايدا قازىر TC Candler روليكتەرى ميلليونداعان كورىلىم جينايدى.
الەمدە بۇل رەيتينگ بەدەلدى جانە جوعارى باعالانادى.
وسى ۇزدىك جۇزدىكتە قازاقستاندىق ديماش قۇدايبەرگەن 90- ورىنعا ورنالاسىپتى.
ءبىرىنشى ورىندى گولليۆۋدتىق «اكۆامەن» دجەيسون موموا يەلەنىپتى. ەكىنشى ورىندى وڭتۇستىك كورەيالىق BTS توبىنىڭ مۇشەسى ەنشىلەگەن. ال ءۇشىنشى ورىنعا بريتاندىق يدريس ەلبا ورنالاسقان.
تىزىمدە لەوناردو دي كاپريو، مەسسي، كريس ەۆانس، دەۆيد بەكحەم، الەكسەي ۆوروبيەۆ سىندى تانىمال تۇلعالاردى كورۋگە بولادى.