ەرلان ساعاديەۆ 100 پايىز قازاق تىلىندە بايانداما جاساۋعا ۋادە بەردى

استانا. قازاقپارات - ق ر ءبىلىم جانە عىلىم ءمينيسترى ەرلان ساعاديەۆ كەلەسى ۇكىمەت وتىرىسىندا تازا قازاق تىلىندە بايانداما جاساۋعا ۋادە بەردى، دەپ حابارلايدى «قازاقپارات» ح ا ا ءتىلشىسى.

«95 پايىز قازاقشا بولدى (بۇگىنگى ۇكىمەت وتىرىسىنداعى بايانداماسى - اۆت.) ەندى قازىر ونىڭ ءبارىن جاساپ جاتىرمىن. كەلەسىدە 100 پايىز قازاقشا جاسايمىن»، - دەدى ول ۇكىمەت وتىرىسىنان كەيىن ب ا ق وكىلدەرىنىڭ سۇراعىنا جاۋاپ بەرىپ.

ەرلان ساعاديەۆ سونىمەن بىرگە 2020 -جىلى مەكتەپتەردە ەنگىزىلگەلى وتىرعان «ءنولىنشى» سىنىپ تۋرالى ايتىپ بەردى.

«2020 -جىلى ءنولىنشى سىنىپ ەنگىزىلەدى. دايىندىق بارىسى ايتىلدى. ەكى جىلدىڭ ىشىندە ءنولىنشى سىنىپتى ەنگىزەمىز. قازىر كوپشىلىك بالاباقشالاردا، مەكتەپتەردە بار (ءنولىنشى سىنىپ - اۆت. ) 85 پايىز ءنولىنشى سىنىپتار قازىرگى ۋاقىتتا بالالار وقىپ جاتىر. جوسپارىمىز - 100 پايىز بالالاردى وتكىزۋ. ول بىرىنشىدەن. ەكىنشىدەن ءبىرىڭعاي باعدارلاماسىن ەنگىزۋ. كوپ وزگەرىس جوق، تەك قانا الىپپە لاتىن تىلىندە باستالادى. اپروباتسياعا ءالى اقشا بولىنگەن جوق. ەڭ الدىمەن الىپپەنى قابىلدادىق. ەندى وقۋلىقتاردى دايىنداۋ كەرەك. ونى ساراپتامادان وتكىزىپ، سودان كەيىن اپروباتسياعا كىرىسەمىز»، - دەدى مينيستر.