جامبىل وبلىسىندا ەلىمىزگە زاڭسىز كەلگەن 100 دەن استام شەتەلدىك ۇستالدى
«ميگرانت» شاراسىنىڭ ءبىرىنشى كۇنىندە ۋكراينا، وزبەكستان، تاجىكستان جانە قىرعىزستاننىڭ 110 ازاماتى ۇستالىپ، اكىمشىلىك جاۋاپقا تارتىلدى. ءبىرىنشى كۇننىڭ وزىندە قازاقستان رەسپۋبليكاسىنىڭ ايماعىنان 42 شەتەلدىك الاستاتىلدى. سونىمەن قاتار ەلدەن كەتۋ جونىندەگى سوت شەشىمىن ورىنداماعان شەتەلدىككە قاتىستى قلىمىستىق ءىس قوزعالدى»، - دەدى جامبىل وبلىستىق ءى ءى د سىرتقى ميگراتسيا جونىندەگى ءبولىم باسشىسى قانات شاۋحاروۆ.
ءوڭىر اۋماعىندا جەدەل توپتاردىڭ جۇمىسى ۇيىمداستىرىلىپ، وعان ءى ءى د-نىڭ كوشى-قون قىزمەتى، جەرگىلىكتى پوليتسيا، كريمينالدى پوليتسيا باسقارماسى، اكىمشىلىك پوليتسيا قىزمەتىنىڭ وكىلدەرى تارتىلدى. ولار زاڭسىز ميگرانتتار ءجۇرۋى مۇمكىن ايماقتار مەن جولاۋشىلار جانە جۇك كولىكتەرىن تەكسەرەدى. تەكسەرۋ ايماقتارىنا سونىمەن قاتار، ساياجايلار، شەتەلدىكتەردىڭ جۇمىس كۇشى پايدالانىلۋى مۇمكىن جاڭا سالىنىپ جاتقان قۇرىلىستار، قوعامدىق تاماقتاندىرۋ ورىندارى دا جاتادى.
وپەراتسيا بارىسىندا انىقتالعان زاڭسىز كوشىپ-قونۋشىلاردى تەكسەرۋ جۇمىستارى ۇيىمداستىرىلدى.