جولاۋشى كاراپەتياننىڭ كولىگىنە وتىرعاننان كەيىن، ول الدىن الا پسيحوتروپتىق زات ەرىتىلگەن مينەرالدى سۋ ءىشۋدى ۇسىنعان. جولاۋشى ەس- تۇسىنەن ايرىلعاندا، تاكسي جۇرگىزۋشىسى ونىڭ اقشاسى مەن باعالى زاتتارىن توناپ وتىرعان. تەرگەۋ امالدارى بويىنشا كەم دەگەندە ءبىر ەر ادام قايتىس بولدى دەلىنىپ وتىر. ونىڭ دەنەسى ءساۋىر ايىندا تابىلعان. ساراپتاما قورىتىندىسى ەر ادام ءولىمىنىڭ ۋلاندىرۋ سالدارىنان بولعانىن انىقتادى.
جەدەل قىزمەتكەرلەر تاكسي جۇرگىزۋشىسىن بىرنەشە اي بويى باقىلاعان. «رەسەي ءى ءى م- ءىنىڭ ماسكەۋ بويىنشا باس باسقارماسىنىڭ قىلمىستاردى ىزدەۋ باسقارماسىنىڭ جەدەل قىزمەتكەرلەرى كۇدىكتىنىڭ تۇلعاسىن انىقتادى. ونىڭ كولىگى سيمفەروپولسكي تاس جولىنىڭ 21- شاقىرىمىندا توقتاتىلىپ، ءوزى ۇستالدى» ، - دەدى رەسەي ءى ءى م- ءىنىڭ ماسكەۋ بويىنشا باس باسقارماسىنىڭ اقپاراتتار جانە قوعاممەن بايلانىس باسقارماسى باسشىسىنىڭ ورىنباسارى يۋري تيتوۆ. تاكسي جۇرگىزۋشىسىنە قاتىستى ەكى باپ بويىنشا ايىپ تاعىلدى: «ادام ومىرىنە قاۋىپتى دەنساۋلىعىنا زيان كەلتىرۋ» جانە «توناۋشىلىق» .