استانا اكىمدىگى 100 نىساندا جارىقتىڭ ءوشىرىلۋىن قولدادى
قالا اكىمىنىڭ ورىنباسارى ەرمەك امانشايەۆتىڭ ايتۋىنشا، اتالمىش اكسياعا ارنالعان شاراعا تارتىلعان نىسانداردىڭ اراسىندا مادەني عيماراتتار عانا ەمەس، كوپىرلەر، سكۆەرلەر جانە كوشەلەر دە بولدى.
«بۇگىن «جەر ۋاقىتى» اكسياسىن 2 ميللياردتان استام ادام قولدادى. بۇل شىنىمەن عالىمدىق جوبا. بۇعان ءبىر مەزگىلدە 7 مىڭنان استام قالا قاتىستى. اكسيانىڭ ماڭىزى زور. وعان بۇگىن استانا دا بەلسەندى قولداۋ كورسەتۋدە. اكسياعا قالامىزداعى 100-دەن استام مادەني نىساندارمەن بىرگە كوپىرلەر، سكۆەرلەر جانە كوشەلەر دە تارتىلدى. مەنىڭ ويىمشا ادامنىڭ تابيعاتقا دەگەن كوزقاراسىن وزگەرتەتىن، ەكولوگيا بويىنشا وسىنداي جوبالار بىزدە دە قولعا الىناتىن بولادى»، - دەدى قالا اكىمىنىڭ ورىنباسارى.
ايتا كەتۋ كەرەك، استانا بيىل اتالمىش اكسياعا رەسمي تۇردە قاتىسىپ وتىر. وسىعان دەيىن حابارلانعانىمىزداي ەلورداداعى «استانا وپەرا» ۇلتتىق وپەرا جانە بالەت تەاترى، «استانا بايتەرەك» مونۋمەنتى، «ماڭگىلىك ەل» تريۋمفالدى اركاسى، تاۋەلسىزدىك سارايى، «حازىرەت سۇلتان» مەشىتى، «استانا ارەنا» ستاديونى ءتارىزدى مادەني- قوعامدىق عيماراتتار مەن ەسكەرتكىشتەر سىرتقى جارىق شامدارىن ءبىر ۋاقىتتا ءبىر ساعاتقا وشىرگەن بولاتىن.
وسىلايشا اكسيانى ۇيىمداستىرۋشىلار دۇنيەءجۇزىنىڭ نازارىن كليماتتىڭ جاھاندىق جىلىنۋ پروبلەماسىنا اۋدارۋدى كوزدەپ وتىر.
اكتسيا بارىسىندا الەمنىڭ ءار تۇكپىرىندە ءبىر ۋاقىتتا جارىق، ەلەكتر قوندىرعىلارى ءوشىرىلدى. بيىل بۇل اكسيا ونىنشى رەت ۇيىمداستىرىلىپ وتىر.
اۆتور: اسلان وسپانوۆ