استانادا تۋريستەرگە 100 ۇزدىك قازاقستاندىق برەندى كورسەتىلەدى - فوتو
دەپ حابارلايدى « قازاقپارات» ح ا ا ءتىلشىسى.
دۇكەن «Festival Avenue» جاڭا ساۋدا ورتالىعىندا ورنالاسقان جانە قازىرگى تاڭدا ول جەرگە تاماق جانە جەڭىل ونەركاسىپتىڭ، زەرگەرلىك بۇيىمدار مەن جيھازداردىڭ 20 ءونىمى قويىلعان. ۇيىمداستىرۋشىلار « ەكسپو-2017» كورمەسى باستالعانعا دەيىن 100 برەندتى ءبىر شاڭىراق استىنا جيناماقشى. سونىمەن قاتار، « حالىق ماركاسى» قازاقستاندىق تاۋارلار مەن قىزمەت كورسەتۋلەردىڭ ساپاسىن باقىلاۋشى جۇيە فەدەراتسياسىنىڭ پرەزيدەنتى ريمما تاجىبايەۆا اتاپ وتكەندەي، ىرىكتەۋ قاتاڭ جۇرگىزىلەدى جانە وندىرۋشىلەرگە قويىلاتىن باستى تالاپ - ونىڭ ەكسپورتتىق الەۋەتى بولىپ تابىلادى.
« ءاربىر ءونىم 30-دان استام ەلگە ەكسپورتتالادى. وسى ماقساتتا ەشبىر كەدەرگىسىز ەكسپورتتاۋعا مۇمكىندىك بەرەتىن ەۋرازيالىق ىسكەرلىك وداعىمەن كەلىسىمگە قول قويدىق. ول ءۇشىن استانادا ءوزىمىزدىڭ ەلدىك پاۆيلونىمىزدى قۇرۋ كەرەك بولعان. ەكسپو- عا دەيىن 100 كۇن قالدى، ەكسپو- نىڭ اشىلۋىنا دەيىن ءار كۇن سايىن پاۆيلوندا ۇسىنىلاتىن برەندتەرىمىزدى تانىستىراتىن بولامىز»، - دەدى ول.
ايتا كەتەيىك، ريمما تاجىبايەۆانىڭ ايتۋىنشا، بۇل جەردە قويىلاتىن تاۋارلار ءۇشىن جالعا الۋ تولەمى الىنبايدى. تەك، وندىرۋشىلەر جىلىنا ءبىر رەت 300 مىڭ تەڭگە تولەيتىن بولادى. ول پاۆيلوننىڭ ەكىنشى قاباتىندا ەكسپورتتالاتىن 30 ەلدىڭ تاڭدامالى تاۋارلارى قويىلاتىندىعىن اتاپ ءوتتى. ءبىزدىڭ وتاندىق تاۋار وندىرۋشىلەر ەكسپورتتىق ونىمدەرمەن تانىسىپ، قاپتامانى، تاۋاردىڭ ساپاسىن سالىستىرىپ، ولاردىڭ جەتىستىگىمەن بولىسۋگە مۇمكىندىك الادى.