ەلىمىزدەگى دۇكەندەردىڭ بىرىندە 100 تەڭگەگە جىلىنىپ الۋعا بولاتىنى جايلى حابارلاما الەۋمەتتىك جەلىلەردە تاراعان. ءبىراق بۇل حابارلامانىڭ اۆتورلارى كىم ەكەنى بەلگىسىز.
ەسكە سالا كەتەيىك، وسىعان دەيىن قولايسىز اۋا رايىنا بايلانىستى استانادا مەكتەپ وقۋشىلارىنىڭ ساباعى توقتاتىلعانى حابارلانعان بولاتىن.
«ءبىلىم باسقارماسىنىڭ شەشىمى بويىنشا 16 -قاراشادا اۋا رايىنىڭ قولايسىزدىعى مەن قاتتى ايازعا بايلانىستى قالا مەكتەپتەرىنىڭ I اۋىسىمداعى 1-9 -سىنىپ وقۋشىلارىنا ساباق بولمايدى»، - دەلىنگەن سايتتا جاريالانعان حابارلاندىرۋدا.
سونداي- اق، «قازگيدرومەت» ر م ك سينوپتيكتەرى 2016 -جىلدىڭ 17-19 -قاراشاسىنا ارنالعان بولجام جاساعان بولاتىن. «انومالدى اياز قازاقستاننىڭ سولتۇستىك پەن شىعىس وبلىستارىنا ورنىقتى. ورتاشا تاۋلىكتىك اۋا تەمپەراتۋراسى بۇل اۋدانداردا وسى كەزەڭ ءۇشىن كليماتتىق نورمادان 10-18 گرادۋس تومەن. مۇنداي اياز كار تەڭىزى ۇستىندە قالىپتاسقان سالقىن جانە قاتتى انتيسيكلوننىڭ اسەرىنەن بولۋدا»، - دەلىنگەن بولاتىن سينوپتيكتەردىڭ حابارىندا.