لاڭكەستەرگە قارسى تۇرۋدان باس تارتقانى ءۇشىن 100 مىڭنان استام اسكەري قىزمەتكەر جۇمىستارىنان بوساتىلدى
rt.com مالىمەتى بويىنشا، مۇنداي جاعدايدىڭ قالىپتاسۋى 2014 -جىلدىڭ العاشقى ايلارىنان باستالعان، دەپ جازادى egemen.kz.
«د ا ي ش سودىرلارىنا قارسى تۇرۋدان باس تارتقانى ءۇشىن 106 مىڭ ساربازدىڭ كەلىسىمشارتى قورعانىس مينيسترلىگىنىڭ شەشىمىمەن ۋاقىتىنان بۇرىن اياقتالدى»، - دەدى مينيستر حالەد ال- وبەيدي. ول سونداي- اق، بۇل جاعدايدىڭ نەگىزىنەن يراك اسكەرى قۇرامىندا 2014 -جىلدىڭ باسىنان قىزمەت ەتە باستاعاندارعا قاتىستى ەكەنىن ايتتى. الايدا، قىزمەتتەن بوساتۋ ءبىر مەزگىلدە جۇزەگە استى ما، الدە بىرنەشە ايعا سوزىلدى ما، ول جاعىنان ناقتى مالىمەت بەرمەدى.
د ا ي ش لاڭكەستىك ۇيىمى يراكتا 2014 - جىلى كوكتەمنىڭ سوڭى مەن جازدىڭ باسىندا بەلسەندى شابۋىل جاساي باستادى. ەكسترەميستەر ءوزىنىڭ استاناسى دەپ ەسەپتەيتىن، كولەمى جاعىنان ەكىنشى ءىرى قالا - موسۋل ءىس جۇزىندە قارسىلىقسىز بەرىلدى. ەل بيلىگى، بۇل ستراتەگيالىق ماڭىزدى قالا، سوندىقتان ءبىرىنشى كەزەكتە موسۋلدى ازات ەتۋ كەرەك دەپ ەسەپتەيدى.