رەسەيدە سوچي وليمپياداسى كەزىندە 100 گە جۋىق دوپينگ- سىناماسى قۇپيا تۇردە «تازاسىنا» اۋىستىرىلعان
دەپ حابارلايدى New York Times.
رودچەنكوۆتىڭ New York Times-قا حابارلاعانىنداي، رەسەيلىك دوپينگكە قارسى ساراپشىلار مەن ارنايى قىزمەتكەرلەر دوپينگ ىزدەرى بار نەسەپ ۇلگىلەرىن قۇپيا تۇردە بىرنەشە اي بۇرىن جينالعان «تازا» سىنامالارعا اۋىستىردى. ولار ءار ءتۇن سايىن بىرنەشە ساعاتتان ءبىر شام عانا جاعىلعان زەرتحانادا جۇمىس ىستەپ، نەسەپ بوتەلكەلەرىن ولاردىڭ سىناققا كەلەسى كۇنى دايىن بولۋى ءۇشىن قابىرعاداعى قۇپيا تەسىك ارقىلى بەرىپ وتىرعان. رودچەنكونىڭ باعالاۋىنشا، ويىنداردىڭ سوڭىنا قاراي 100-گە جۋىق «لاس» دوپينگ- سىنامالارى اۋىستىرىلدى.
«ءبىز تولىق جابدىقتالعان بولدىق، ءبىلىم جانە تاجىريبەمىز مول بولدى، سوچيدەگى ويىندارعا تاماشا دايىندالدىق»، - دەپ مالىمدەدى رودچەنكوۆ.
رەسەي قۇراماسى سوچيدەگى وليمپيادا ويىندارىنىڭ مەدالدىك ەسەبىندە 33 مەدال (سونىڭ ىشىندە 13 التىن) يەلەنىپ، جەڭىسكە جەتتى. رودچەنكوۆتىڭ ايتۋىنشا، رەسەيلىك سپورتشىلاردىڭ ناگرادالار سانى كوپ بولۋىن قامتاماسىز ەتۋى ءتيىس ادام ءوزى بولعان.