قىتايدان 100- «چانان» پويىزى قازاقستانعا اتتاندى
04:36, 27 - شىلدە 2015
استانا. قازاقپارات - 100- كونتەينەرلىك «چانان» پويىزى قىتايدىڭ شيان قالاسىنان الماتىعا اتتاندى، دەپ حابارلايدى «شينحۋا».
بۇل تەمىرجول باعىتى 2013 -جىلدىڭ قاراشا ايىندا ىسكە قوسىلعان. اتالعان كەزەڭ ارالىعىندا جالپى سوماسى 185 ميلليون دوللارعا 140 مىڭ توننا جۇك تاسىمالدانعان. ءار اي سايىن قىتايدان تۇراقتى تۇردە وسى باعىت بويىنشا 8 قۇرام جىبەرىلەدى.
قازاقستان مەن ورتالىق ازيا ەلدەرىنە ادەتتە جابدىقتار مەن قوسالقى بولشەكتەر، قۇرىلىس ماتەريالدارى، جەڭىل جانە تەكستيل ونەركاسىبى ونىمدەرى، سونىمەن قاتار ازىق- تۇلىك جەتكىزىلەدى.
تامىز ايىندا پويىز قازاقستاننان قىتايعا كەرى باعىت بويىنشا اتتانادى، وعان ەلىمىزدە وندىرىلگەن وسىمدىك مايى تيەلمەك.