بەيجىڭدە «100 سپارتالىق قاھارمان» قوعامدىق ءتارتىپتى بۇزعانى ءۇشىن ۇستالدى

استانا. قازاقپارات - بەيجىڭ قالاسىندا «300 سپارتالىق» فيلمىندەگى كەيىپكەرلەردىڭ كيىمىنە ۇقساس قارا بىلعارى كۇرتە، قىزىل جاپقىش جامىلعان 100 گە جۋىق جاس ادام قوعامدىق ءتارتىپتى بۇزعانى ءۇشىن تۇتقىندالدى دەپ حابارلادى «BBC» اگەنتتىگى.

وزدەرىن «300 سپارتالىققا» ۇقساتقان جاستار ادەيى كيىنىپ كەلىپ، بەيجىڭ اۋداندارىنىڭ بىرىندە جينالا باستاعان. ءبىر جەرگە توپتاسا باستاعانداردى كوشەدە ءوتىپ بارا جاتقان ادامدار سۋرەتكە ءتۇسىرىپ، قىزىقتاي باستايدى. الايدا، پوليتسيا جارتىلاي جالاڭاش جاستاردىڭ بۇل قىلىعىن قوعامدىق ءتارتىپتى بۇزۋ دەپ ساناپ، تەزىرەك تارقاۋدى تالاپ ەتكەن.

الايدا، ءتارتىپ ساقشىلارىنىڭ ايتقانىنا ولار باعىنعىسى كەلمەدى. پوليتسيا «سپارتالىقتاردىڭ» «ەركەلىگىن» كوتەرمەي بارلىعىن قاماۋعا الادى.

تەرگەۋ كەزىندە انىقتالعانداي جاستار، تاماق تاراتۋ ءۇشىن ارنايى كيىندىرىپ قويعان جەرگىلىكتى ءدامحانا جالداعان ادامدار بولىپ شىقتى.