پينسون ارالىندا سوڭعى 100 جىلدا بولماعان تاسباقالار دۇنيەگە كەلدى

استانا. قازاقپارات - گالاپاگوس ارالدارىنىڭ قۇرامىنا كىرەتىن پينسوندا جاڭا تۋىلعان تاسباقالار تابىلدى.

بۇل تۋرالى epochtimes.ru حابارلايدى.

جانۋارلاردىڭ سيرەك كەزدەسەتىن بۇل ءتۇرى وسىعان دەيىن تولىق جوعالىپ كەتكەن ەدى. ولاردىڭ جاپپاي قىرىلۋىنا ارالعا XIX عاسىردا اكەلىنگەن قارا ەگەۋقۇيرىقتار شابۋىلى سەبەپ بولعان. ەگەۋقۇيرىقتار تاسباقالاردىڭ ۇرىقتارى بار جۇمىرتقالاردى جەپ قويىپ، قىرعان.

ءپىل تاسباقا دەپ اتالاتىن بۇل ءتۇردىڭ ەڭ سوڭعىسى 2012 - جىلى 100 جاسىندا ومىردەن ءوتتى. تابيعات جاناشىرلارى جوعالىپ بارا جاتقان تاسباقالاردى قۇتقارۋ امالدارىن جاسادى.

ولار ارالدا قالعان جۇمىرتقالاردى جيناپ الىپ، باسقا جاقتاردا وسىرگەننەن كەيىن پينسونعا قايتارىپ وتىردى.

ال ەكولوگتار ارالداعى بارلىق ەگەۋقۇيرىقتاردى جويدى. ەندى پينسوننان جاڭادان تۋىلعان تاسباقالاردى تاپقان عالىمدار: «جانۋارلار ءوز بەتىنشە كوبەيە بەرەدى جانە ولاردىڭ بولاشاعىنا ءتونىپ تۇرعان قاۋىپ جوق»، - دەيدى.

www.24.kz