پاۆلوداردا اتاقتى قازاق تاريحشى- عالىمنىڭ 100 جىلدىعى اتالىپ ءوتتى - فوتو
«وتاندىق تاريح عىلىمىنىڭ نەگىزىن سالۋشى ەرمۇقاننىڭ مەرەيتويىن قازاق حاندىعىنىڭ 550 جىلدىعى مەرەكەسى قارساڭىندا اتاپ ءوتۋىمىزدىڭ ءمانى زور، - دەپ اتاپ ءوتتى رەسپۋبليكالىق عىلىمي-پراكتيكالىق كونفەرەنتسيانى اشقان س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ پرورەكتورى، پروفەسسور ارمان اقىشيەۆ. - ناق وسى ە. بەكماحانوۆ العاشقى بولىپ قازاق حالقىنىڭ ەجەلگى زاماننان باستاپ جۇيەلى تاريحىن جازۋدى قولعا الدى».
پاۆلودار وبلىسى اكىمىنىڭ ورىنباسارى ارىن ورساريەۆتىڭ ايتۋىنشا، تالانتتى عالىم ءوزىنىڭ قىسقا ءومىرى ىشىندە قازىرگى زامانعى عىلىمعا وراسان زور ۇلەس قوستى، بەحماحانوۆ تاعدىرى تاريحي عىلىمى قۇرىلعان ءداۋىردى بەينەلەيدى، سوندىقتان دا ەلىمىزدىڭ بارلىق تاريحشىلارى ءۇشىن بۇگىنگى كۇندى كاسىبي مەرەكە دەپ اتاۋعا بولادى».
پ م ۋ-دا ە. بەكماحانوۆ اتىنداعى تاريح جانە ەتنوگرافيا عىلىمي-پراكتيكالىق ورتالىعىنىڭ نەگىزى قالاندى، ونىڭ قىزمەتكەرلەرى 15 جىل بويى ۇلى عالىمنىڭ زەرتتەۋلەرىن جۇيەلەۋمەن جانە زەردەلەۋمەن اينالىسىپ كەلەدى. ۋنيۆەرسيتەت بەكماحانوۆتىڭ عىلىمي ەڭبەكتەرىنىڭ 7 تومدىق جيناعىن باسىپ شىعاردى. مەرەيتويعا ورتالىق قىزمەتكەرلەرى «ەرمۇقان جانە تاريحي شىندىق» كىتابىن ازىرلەپ تانىستىردى.
جينالعاندار الدىندا ءسوز العان تاريحشىنىڭ قىزى، ق ر ب ع م ميكروبيولوگيا جانە ۆيرۋسولوگيا عىلىمي- زەرتتەۋ ينستيتۋتىنىڭ باس عىلىمي قىزمەتكەرى، پروفەسسور ءناديا بەكماحانوۆا ورتالىق ۇجىمىنا العىس ايتتى.
«سىزدەر 200 دەن استام كىتاپتى باسىپ شىعاردىڭىزدار. بۇل مەنىڭ اكەمدى جانە پاۆلودار عالىمدارىن ەسكە الۋعا ارنالعان وراسان زور ەڭبەك. بۇل جەر كورنەكتى ادامداردىڭ جانە ولاردىڭ مۇرالارىن كوزدىڭ قاراشىعىنداي ساقتاپ وتىرعان جەرلەستەرىنىڭ مەكەنى، ەڭ باستىسى - بۇل بايلىق جاس ۇرپاققا بەرىلۋدە»، - دەدى ول.
عىلىمي كونفەرەنسيا اياسىندا قوناقتار «ە. بەكماحانوۆتىڭ 100 جىلدىق مەرەيتويىنا ارنالعان تاريح عىلىمدارى بويىنشا ۇزدىك عىلىمي جۇمىس» كونكۋرسىنىڭ قورىتىندىلارىمەن ستۋدەنتتەردى ماراپاتتادى. رۋسلان قيلاش وسى كونكۋرستىڭ جەڭىمپازى اتاندى.