قاراعاندىدا «سارى ارقا كىتاپحاناسى» باسىلىمىنىڭ 100 تومدىعى تانىستىرىلدى - فوتو
شارا قازاق حاندىعىنىڭ 550 جىلدىعى مەن قازاقستان حالقى اسسامبلەياسىنىڭ 20 جىلدىعىنا ورايلاستىرىلدى.
ماقسات - سارى ارقا جازۋشىلارى مەن اقىندارىنىڭ شىعارماشىلىعىن جۇيەلەۋ. ەلوردالىق «فوليانت» باسپاسىندا شىققان ەڭبەكتە 800 اۆتوردىڭ شىعارماسى جيناقتالعان.
ءار تومنىڭ تيراجى - 800 دانا. قازاقستان پرەزيدەنتى نۇرسۇلتان نازاربايەۆقا جەكە توم ارنالدى. وندا جۋرناليستەردىڭ بولاشاق ۇلت كوشباسشىسىنىڭ قارمەتكومبيناتتا جۇمىس ىستەپ جۇرگەن كەزىندە جازعان ماتەريالدارى بار.
«تاۋەلسىزدىك جىلدارىنداعى سارى ارقا» تومى دا جەرگىلىكتى ب ا ق- تا قازاق جانە ورىس تىلدەرىندە جاريالانعان ماتەريالداردان توپتاستىرىلعان.
«جاڭا ءداۋىر ادەبيەتى» سەرياسىندا الاشورداشىلار ءاليحان بوكەيحانوۆ، جاقىپ اقبايەۆ، ءالىمحان ەرمەكوۆتىڭ تۋىندىلارى جيناقتالعان. قارلاگتا قاماۋدا بولعانداردىڭ تۋىندىلارى دا شەت قالمادى. ەكى توم جاس جازۋشىلار مەن اقىنداردىڭ شىعارمالارىنا ارنالدى.
قاراعاندى وبلىسىنىڭ اكىمى نۇرمۇحامبەت ابدىبەكوۆ كوپ تومدىق جالعاسىن تاباتىنىنا ۋادە بەردى.
وبلىستىق مادەنيەت باسقارماسىنىڭ اقپاراتىنشا، انتولوگيانى قۇراستىرۋعا ەكى جىلداي ۋاقىت كەتكەن. ونى باسىپ شىعارۋعا 90 ميلليون تەڭگە جۇمسالعان، قاراجات 2013-2014- جىلدارى وبلىستىق بيۋجەتتەن بولىنگەن. كىتاپتار وبلىستاعى جانە رەسپۋبليكاداعى كىتاپحانالارعا تاپسىرىلادى.
انتولوگيانىڭ تانىستىرىلىمىنا ق ر سەناتى جانە پارلامەنتىنىڭ دەپۋتاتتارى، ەلىمىزدىڭ مەملەكەتتىك، شىعارماشىلىق جانە قوعامدىق قايراتكەرلەرى قاتىستى.