سولتۇستىك قازاقستان وبلىسىنىڭ حالقى ون جىلدا 100 مىڭ ادامعا ازايعان
ايماقتان حالىقتىڭ ۇدەرە كوشۋىنە جالاقىنىڭ ازدىعى مەن ەتنيكالىق ورىستاردىڭ رەسەيگە بەت بۇرۋى سەبەپ بولعان.
سولتۇستىك قازاقستان وبلىسىندا 573 مىڭعا جۋىق ادام تۇرادى. سولتۇستىك حالقىنىڭ ورە تۇرە كەلۋىنە وزگە ەل مەن قالالارعا كوشۋى سەبەپ بولعان. تۇرعىنداردىڭ باسىم بولىگىنىڭ تاڭداۋى رەسەيدىڭ ومبى، قورعان وبلىستارى مەن استانا مەن الماتى قالالارىنا ءتۇسىپتى.
سايدا ابدۋلحايموۆا، س ق و ستاتيستيكا دەپارتامەنتى الەۋمەتتىك جانە دەموگرافيالىق ستاتيستيكا باسقارماسىنىڭ باسشىسى:
ءتىپتى وڭىردەگى نارەستە ءولىمى بىلتىرعى جىلمەن سالىستىرعاندا ون پايىزعا ازايعانىمەن، بۇل كورسەتكىش حالىق سانىنىڭ وسۋىنە اسەر ەتە الماپتى.
2004-جىلى حالىق سانى -674,5 مىڭ ادام
2009-جىلى حالىق سانى -597,5 مىڭ ادام
2014-جىلى حالىق سانى -572,9 مىڭ ادام
سوڭعى 10 جىلدا س ق و تۇرعىندارىنىڭ سانى 100 مىڭعا ازايدى.
وبلىس نەمەسە اۋدان ورتالىقتارىنان شالعايدا جاتقان اۋىلداردىڭ قۇرىپ بارا جاتقانى رەسپۋبليكا دەڭگەيىندەگى وزەكتى ماسەلەگە اينالدى. قازىرگى دەرەكتەر بويىنشا سولتۇستىك قازاقستاندا اۋىل حالقىنىڭ سانى ازايىپ بارا جاتىر. اۋىل تۇرعىندارىنىڭ سالماق ۇلەسى - شامامەن ەلۋ جەتى پايىزدى قۇرادى.
رۋسلان قۇسايىنوۆ، ءتىلشى:
بۇل ساندار تەك سولتۇستىك قازاقستان وبلىسىنىڭ ەمەس، باسقا دا سولتۇستىكتەگى وڭىرلەردىڭ دامۋىنا ۇلكەن اسەر ەتەتىنى ءسوزسىز. ويتكەنى كوشىپ كەتىپ جاتقان حالىقتىڭ كوبى 20 مەن 60 جاس ارالىعىنداعىلار. ياعني، ءوڭىرىنىڭ دامۋىنا ۇلەس قوسۋعا مۇمكىندىگى بارلار.
رۋسلان قۇسايىنوۆ، قۋانار ابدراحمانوۆ.
31-ارنا