جەتپىس جاستاعى اقساقال كاسىبىن «شاعىن بيزنەسكە ارنالعان 100 جوبا» كىتابىنان تاپتى

قىزىلوردا. قازاقپارات - قىزىلوردا وبلىسىندا جاسى 70 تەن اسقان شيەلىلىك كاسىپكەر سۇيىندىك امانجولوۆتىڭ بۇگىندە جوبالىق قۇنى 3,6 ميلليون تەڭگەنى قۇرايتىن شاعىن بالىق وسىرەتىن ءتالىمباعى بار.

بالىق كلاستەرىن دامىتۋ بيزنەس جوسپارىن كاسىپكەر قارت "شاعىن بيزنەسكە ارنالعان 100 جوبا" كىتابىنان تاۋىپتى.

«شاعىن بيزنەسكە ارنالعان 100 جوبا» كىتابى قىزىلوردا وبلىسىنىڭ بارلىق اۋىل-ايماعىنا جەتكىزىلدى. قازىرگى تاڭدا وبلىستىڭ 7 اۋدانىندا كاسىپكەرلەر پالاتاسىنىڭ فيليالدارى جۇمىس جاسايدى. ءبىزدىڭ ماقسات ساۋاتتى، بىلىكتى بيزنەسمەندەردىڭ سانىن ارتتىرۋ. وسى ماقساتتا اتالمىش كىتاپتىڭ كاسىبىن باستاۋشىلارعا ۇلكەن كومەكشى قۇرال بولعانىن اتاپ وتكىم كەلەدى»، - دەيدى قىزىلوردا وبلىسىنىڭ كاسىپكەرلەر پالاتاسىنىڭ ديرەكتورى دىنمۇحامەد ءابساتتاروۆ.

كاسىپكەر اۋىلداعى 4 ادامدى جۇمىسپەن قامتىپ وتىر. جىلدىق قۋاتتىلىعى - 2,5-3 ميلليون شاباق ءوسىرۋ، 18-20 توننا بالىق ساتۋ.

قازىرگى تاڭعا «بيزنەستىڭ جول كارتاسى-2020» مەملەكەتتىك باعدارلاماسى اياسىندا 3 ميلليون تەڭگە گرانت الىنىپ، 1 جۇك كولىگى، 8 شاباق وسىرەتىن كونتەينەر، ينكۋباتسيالىق اپپارات العان. سونداي-اق، كارپ تۇقىمداس بالىقتىڭ 500 مىڭ شاباعى، اق امۋر بالىعىنىڭ 300 مىڭ شاباعى وسىرىلۋدە. ارال اۋدانىنان 30 كارپ بالىعى الىندى. بولاشاقتا كاسىپكەر تۋريزمدى دامىتۋدى قولعا الماقشى.

اۆتور: ەلۋباي اۋەزوۆ