الماتىدا 100 دەن استام ايەل پوليتسيا كومەگىنە جۇگىندى
08:27, 12 - قىركۇيەك 2014
استانا. قازاقپارات - وتباسى كۇنىنە وراي ۇيىمداستىرىلعان الدىن الۋ شارالارىنىڭ العاشقى كۇنىندە زاڭگەردىڭ كەڭەسىن الۋ ماقساتىندا الماتى قالاسىنىڭ پوليتسياسىنا 100 دەن استام ازاماتشا حابارلاستى، دەپ حابارلادى «الماتى تەلەارناسى» ۆەدومستۆونىڭ باسپا ءسوز قىزمەتىنە سىلتەمە جاساپ.
قالالىق ءى ءى د-تىندە وتباسىندا ايەلدەر مەن بالالارعا كۇش كورسەتەتىن جاعدايلاردىڭ جولىن كەسۋ ءۇشىن شارالار قولعا الىندى
ايتا كەتەيىك، الماتىدا 10 مەن 12 - قىركۇيەك ارالىعىندا «مەنىڭ وتباسىمنىڭ پروترەتى» دەگەن تاقىرىپتا جانۇيالىق قۇندىلىقتاردى دارىپتەيتىن «لەكسيالىق جوبا» وتكىزىلىپ جاتىر.
«اكسيانىڭ باستى ماقساتى - تۇرعىنداردىڭ پوليتسياعا دەگەن سەنىمىن ارتتىرۋ، ايەلدەر مەن بالالارعا كۇش كورسەتىلەتىن جاعدايلاردىڭ الدىن الۋ، ازاماتتاردىڭ زاڭ تۋراسىنداعى بىلىمدەرىن ارتتىرۋ. سونىمەن قاتار، قالامىزداعى سەنىم تەلەفوندارىن حابارلاۋ»، - دەدى الماتى قالاسى اكىمشىلىك پوليتسيا باسقارماسىنىڭ ايەلدەرگە قارسى زورلىق-زومبىلىقپەن كۇرەسۋ باسقارماسىنىڭ پوليتسيا پولكوۆنيگى مايا توقسانوۆا.