«ارالىق قورىتىندىعا سايكەس قازىر 61 ازاماتتان اتۋ قۇرالىن، جارىلعىش زاتتاردى بەلگىلى ءبىر اقىعا قايتارۋ تۋرالى ءوتىنىش ءتۇستى. قازىردىڭ وزىندە الماتىلىقتاردان 92 قارۋ: ونىڭ ىشىندە 6 ۋى تراۆماتيكالىق، 1950 دانا 5.45 م م كاليبرلى پاترون، 2550 دانا 7,62 م م كاليبرلى پاترون، 5500 دانا 5,6 م م كالبيرلى پاترون، 95 دانا 33 م م كاليبرلى پاترون، 1 كەلى 810 گرام جارىلعىش وق-ءدارى اقىلى نەگىزدە قايتارىلدى»، - دەدى قالالىق ءى ءى د اكىمشىلىك پوليتسياسى باسقارماسىنىڭ قارۋ اينالىسىن باقىلاۋ جانە ليتسەنزيالاۋ ءبولىمىنىڭ اعا ينسپەكتورا راقىم تولوكۋلوۆ.
قازىر قالا تۇرعىندارىنىڭ اراسىندا قارۋدى ءوز ەركىمەن تاپسىرۋ تۋرالى ۇگىت-ناسيحات جۇمىستارى جۇرگىزىلۋدە.
اتاپ ايتقاندا، ادام كوپ شوعىرلاناتىن بەكەتتەردە، ح ق و عيماراتتارىندا، جول پوليتسياسى باسقارمالارىندا اقپاراتتىق ستەندتەر ورناتىلعان. جۇرگىزىلگەن ناسيحات جۇمىستارى ءتيىمدى ناتيجە بەرۋدە.
تۇرعىندار كوبىنەسە قارۋدى ءبىر جەردەن تاۋىپ العانىن ايتىپ كەلۋدە.
«تۇركسىب اۋداندىق ءى ءى ب- نا «توز-63» اڭشىلىق مىلتىعىن تاپسىرعان ازامات ونى ۇيىنە جوندەۋ جاساعان كەزدە جەر استى بولمەسىنەن تاۋىپ العانىن ايتسا، جەتىسۋ اۋدانىنىڭ تۇرعىنى اڭشى مىلتىعىن تاۋدان تاۋىپ الدىم دەگەن ءۋاج ايتقان»، - دەپ قورىتىندىلادى راقىم تولوكۋلوۆ.
اۆتور: گۇلميرا ءعوسمانالي