تۇركيادان تۇركىستان وبلىسىنا 1000 توننا جوعارى ساپالى ماقتا تۇقىمى جەتكىزىلەدى
بۇل ۋاعدالاستىققا «قازاقستان رەسپۋبليكاسىنداعى ماقتا شارۋاشىلىعىن دامىتۋ پەرسپەكتيۆالارى» بيزنەس-فورۋمىندا قول جەتكىزىلدى، دەپ حابارلايدى قازاقپارات ءتىلشىسى.
بيزنەس-فورۋم جۇمىسىنا ق ر اۋىل شارۋاشىلىعى مينيسترلىگىنىڭ وكىلدەرى، تۇرىك كاسىپكەرلەرى، ءشيتتى ماقتا وندىرۋشىلەر، ماقتا وڭدەۋ زاۋىتتارىنىڭ، عىلىمي ۇيىمداردىڭ، ماقتا مايىن ءوندىرۋ زاۋىتتارىنىڭ وكىلدەرى، سونداي-اق ماقتا تۇقىمىن وندىرۋشىلەر قاتىستى.
وندا اۋىل شارۋاشىلىعى ۆيتسە-ءمينيسترى ءابىلقايىر تامابەك ماقتا شارۋاشىلىعى سالاسىن دامىتۋدىڭ ماڭىزدىلىعىن اتاپ ءوتتى.
«مەملەكەتتىك ساتىپ الۋلارداعى قازاقستاندىق قامتۋ ۇلەسىن، ونىڭ ىشىندە تۇرمىستىق تاۋارلار مەن ماقتانى قايتا وڭدەۋ ونىمدەرىن ۇلعايتۋ ماسەلەسى پىسىقتالىپ جاتىر. ءبىرىنشى كەزەڭدە ۇلتتىق كومپانيالار p دەيىن وتاندىق ماقتا ونىمدەرىن توسەك- ورىن، سۇلگىلەر جانە ت. ب. ساتىپ الۋى ءتيىس. مەملەكەتتىك قورعانىس تاپسىرىسىن قالىپتاستىرۋ كەزىندە جەرگىلىكتى قامتۋ ۇلەسىن 0 دان p عا دەيىن ۇلعايتۋ جوسپارلانىپ وتىر»، - دەدى ۆيتسە-مينيستر.
فورۋمدا تۇركيا رەسپۋبليكاسىنان شاقىرىلعان «PROgen» كومپانياسى وتاندىق وسىمدىك وسىرۋشىلەرگە اۋرۋلار مەن زيانكەستەرگە ءتوزىمدى ماقتانىڭ جاڭا سورتتارىن تانىستىردى. جاڭا سورت ءبولىپ تولەۋ شارتىمەن ساتىلادى. «تۇركىستان» ا ك ك تۇقىم ساتىپ الۋعا قاجەتتى قارىز سوماسىن جىل سوڭىنا دەيىنگى مەرزىمدە بەرۋگە دايىن.
بيزنەس-فورۋم قورىتىندىسى بويىنشا تۇركيا رەسپۋبليكاسىنىڭ شىعىس جەرورتا تەڭىزى اۋىل شارۋاشىلىعى زەرتتەۋلەر ينستيتۋتى مەن «ماقتا شارۋاشىلىعى جانە باقشا شارۋاشىلىعى اشتس» ج ش س اراسىندا بىرلەسكەن عىلىمي زەرتتەۋلەر جۇرگىزۋ، ماقتانىڭ جاڭا سورتتارىن شىعارۋ بويىنشا ىنتىماقتاستىق تۋرالى كەلىسىمگە قول قويىلدى.