پرەزيدەنت تاپسىرماسى: جاس عالىمدارعا 1000 گرانت ءبولىندى
بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي Facebook پاراقشاسىندا جازدى.
مەملەكەت باسشىسى قاسىم-جومارت توقايەۆ 2020-جىلى «جاڭا جاعدايداعى قازاقستان: ءىس- قيمىل كەزەڭى» اتتى جولداۋىندا عىلىم سالاسىن دامىتۋ بويىنشا ناقتى تاپسىرمالار بەرگەن بولاتىن. «ۇكىمەتكە جىل سايىن الەمنىڭ جەتەكشى عىلىمي ورتالىقتارىندا 500 عالىمنىڭ تاعىلىمدامادان ءوتۋىن قامتاماسىز ەتۋدى، سونداي-اق، «جاس عالىم» جوباسى اياسىندا زەرتتەۋ جۇرگىزۋ ءۇشىن 1000 گرانت ءبولۋدى تاپسىرامىن»، - دەگەن بولاتىن پرەزيدەنت.
بەرىك ءۋاليدىڭ دەرەگى بويىنشا، بۇگىندە اتالعان ەكى تاپسىرما دا ورىندالىپ وتىر.
«الەمنىڭ جەتەكشى عىلىمي ورتالىقتارىندا تاعلىمدامادان ءوتۋ ءۇشىن عالىمدارعا بولىنگەن 500 گرانتتى، سونداي-اق، «جاس عالىم» جوباسى بويىنشا جاس عالىمدارعا ارنالعان 1000 گرانتتى قارجىلاندىرۋ مەحانيزمدەرى انىقتالدى. عالىمدارعا تاعلىمدامادان وتۋگە بولىنگەن 500 گرانتتى قارجىلاندىرۋ ءۇشىن 1,35 ميلليارد تەڭگە كولەمىندە بيۋجەتتىك ءوتىنىم قابىلداندى»، - دەپ جازىلعان پرەزيدەنتتىڭ باسپا ءسوز حاتشىسى ۇسىنعان مالىمەتتە.
سونداي-اق، تاعلىمدامادان ءوتۋ ەرەجەلەرى پىسىقتالىپ، ۇمىتكەرلەردى ىرىكتەۋدىڭ تالاپتارى ازىرلەندى، تاعىلمدامادان وتكىسى كەلەتىن 1000 جاس عالىمنىڭ مالىمەتتەر قورى جاساقتالعانى دا ايتىلعان ال «جاس عالىم» جوباسى اياسىندا بايقاۋدى قارجىلاندىرۋعا 3 ميلليارد تەڭگە ءبولۋ ماقۇلدانعان.