وزبەك ۇستازدارى مىندەتتى تۇردە $1000 دوللارعا دەيىن كوتەرىلەدى. مۇنى رەسپۋبليكانىڭ ءبىلىم بەرۋ ءمينيسترى شەرزود شەرماتوۆ 26 -ناۋرىزدا اقپارات اگەنتتىگىندە وتكەن پرەسس- كونفەرەنسيادا مالىمدەدى.
شەنەۋنىك ەلدە ۇستاز مارتەبەسىن كوتەرۋگە كۇش سالىنىپ جاتقانىن شاۆكات ميرزيەيەۆ جوسپارىنىڭ ءبىر ءبولىمى ورىندالۋعا جاقىن ەكەنىن العا تارتتى. ەندىگى كەزەكتەگى ماسەلە - پەداگوگتاردىڭ ماتەريالدىق جاعدايىن كوتەرۋ. مينيستر سوزىنشە، ميرزيەيەۆ ۇستازداردىڭ جالاقىسىن كوتەرۋ تۋرالى بىرنەشە رەت ايتقان.
«ءبىز ۇستازاردىڭ جالاقىسىن $1000 عا دەيىن كوتەرمەيىنشە ەش توقتامايمىز»، - دەپ پرەزيدەنت ءسوزىن كەلتىردى شەرماتوۆ. ناقتى قاي ۋاقىتتا كوتەرىلەتىنىن مينيستر ايتقان جوق.
بىلتىر شىلدە ايىندا شەرماتوۆ پرەزيدەنتتىڭ ۇستازدار مارتەبەسىن كوتەرۋ تۋرالى تاپسىرماسىن تەك ولاردىڭ جالاقىسىن كوتەرۋ ارقىلى ورىنداۋعا بولاتىنىن ءمالىم ەتكەن ەدى.