قازاقستانعا زاڭسىز كەلگەن 1000 شەتەلدىك ەل اۋماعىنان شىعارىلدى
7 مىڭ شەتەلدىك اكىمشىلىك جاۋاپقا تارتىلدى، دەپ حابارلادى ق ر ىشكى ىستەر مينيسترلىگىنىڭ باسپا ءسوز قىزمەتى.
باسپا ءسوز مالىمەتتەرىنە قاراعاندا، ق ر ءى ءى م زاڭسىز كوشى-قونعا قارسى ءىس-قيمىلعا جانە زاڭسىز ميگرانتتاردى انىقتاۋعا باعىتتالعان «ميگرانت» جەدەل-پروفيلاكتيكالىق ءىس- شاراسىنىڭ قورىتىندىسىن شىعاردى.
ءۇش كۇن ىشىندە پوليتسيانىڭ ۇتقىر توبى ەلىمىزگە كەلۋ ءتارتىبىن بۇزعان 7 مىڭ شەتەلدىكتى انىقتاپ، اكمىشىلىك جاۋاپكەرشىلىككە تارتتى.
سوت شەشىمى بويىنشا 1000 شەتەلدىك ەلدەن شىعارىلىپ، 700 ادام ارنايى ورىندارعا جەتكىزىلدى.
شەتەلدىك جۇمىس كۇشتەرىن تارتۋ جانە پايدالانۋ ەرەجەسىن بۇزعان 269 جۇمىس بەرۋشى جاۋاپقا تارتىلدى.
«كوشى-قون، كريمنينالدىق جانە اكىمشىلىك پوليتسيا قىزمەتكەرلەرىنىڭ جۇمىسى ناتيجەسىندە كوشى- قون زاڭىن بۇزعانى ءۇشىن سوتقا دەيىنگى تەرگەۋدىڭ ءبىرىڭعاي تىزىلىمىنە 78 قىلمىستىق قۇقىق بۇزۋشىلىق تىركەلدى»، دەپ اتاپ ءوتتى ءى ءى م كوشى-قون قىزمەتى كوميتەتىنىڭ ءتوراعاسى مۇرات قابدەنوۆ.
ونىڭ سوزىنشە، ىزدەۋدە جۇرگەن 14 قىلمىسكەر ۇستالدى، ونىڭ 4 ۋى ت م د ازاماتى.
كوشى-قون زاڭناماسىن بۇزعانى ءۇشىن بارلىعى 3 مىڭنان استام شەتەلدىكتىڭ ەلىمىزدە ۋاقىتشا بولۋ مەرزىمى قىسقارتىلدى.