قارلى دالادا قايناعان 1000 قازان - شەتەلدەگى قازاق ءتىلدى ب ا ق- قا شولۋ
****
موڭعولياداعى قانداسىمىز اۋىر اتلەتيكادان ەل چەمپيونى اتاندى - KAZNEWS
اپتا باسىن موڭعولياداعى قانداستارىمىز جاعىمدى جاڭالىقپەن باستادى. اقپاننىڭ 3-4 كۇندەرى جاسوسپىرىمدەر اراسىندا وتكەن اۋىر اتلەتيكادان موڭعوليا بىرىنشىلىگىندە قانداسىمىز التىنبەك مولباي ۇلى التىن ەنشىلەدى. kaznews.mn سايتىنىڭ مالىمەتىنشە، بايان- ولگەي سپورتشىلارى ءبىر التىن، ءبىر كۇمىس جانە ەكى قولا جۇلدە العان. ايتا كەتەرلىگى، ۇشەۋى دە قازاق بالاسى. ەل بىرىنشىلىگىنە بارلىعى 190 سپورتشى باق سىناپ، جاسوسپىرىمدەر اراسىنان مەملەكەتتىك 16 رەكورد جاڭارتىلعان.
مولباي ۇلى التىنبەك 50 كەلى سالماقتا قوس سايىس بويىنشا التىن مەدال جەڭىپ الدى. ول جۇلقي كوتەرۋ بويىنشا 55 كەلىنى، سەرپە كوتەرۋدە 77 كەلىنى كوتەرگەن.
ال، +69 كەلى سالماقتا تىلەك ەربول ۇلى كۇمىس جۇلدەگە قول جەتكىزسە، 56 كەلىدە قىزىر ءبىرجان ۇلى قولا مەدال ەنشىلەدى. قىزدار اراسىنداعى سايىستا اراي تالعات قىزى 53 كەلى سالماقتا قولا جۇلدەگەر اتاندى.
ايتا كەتەيىك، بايان- ولگەي ولكەلىك اۋىر اتلەتتەردى تالعات مۇحامەتقالي ۇلى ەسىمدى قانداسىمىز جاتتىقتىرادى.
****
انكارادا ايتماتوۆ كورمەسى اشىلدى- TRT
الەمگە تانىمال قىرعىز جازۋشى شىڭعىس ايتماتوۆ تۋعانىنا 90 جىل تولۋىنا وراي تۇركيانىڭ باس قالاسىندا «شىڭعىس ايتماتوۆتىڭ الەمى انكارادا» اتتى سۋرەت كورمەسى اشىلدى. سونىمەن بىرگە اتاقتى جازۋشى جونىندە تۇسىرىلگەن فيلم كورسەتىلدى. بۇل تۋرالى تۇركيا راديو تەلەديدار پورتالى جازادى.
كورمەگە قىرعىزستاننىڭ 20 سۋرەتشىسىنىڭ 46 تۋىندىسى قويىلعان. سالتاناتتى جيىنعا پرەزيدەنتتىڭ باس كەڭەسشىسى يالچىن توپچۋ، مادەنيەت جانە تۋريزم ءمينيسترىنىڭ ورىنباسارى حۇسەيىن يايمان، قىرعىزستان مادەنيەت، ينفورماتسيا جانە تۋريزم ءمينيسترىنىڭ ورىنباسارى اينۋرا تەمىربەكوۆا مەن قىرعىزستاننىڭ تۇركياداعى وكىلەتتى جانە توتەنشە ەلگىسى يبراگيم ءجۇنىسوۆ قاتىستى.
پرەزيدەنتتىڭ باس كەڭەسشىسى توپچۋ ءوز سوزىندە شىڭعىس ايتماتوۆتىڭ تۇرىك الەمى ءۇشىن ماڭىزىنا توقتالىپ، «ايتماتوۆتىڭ «ءجاميلا» رومانىن وقىعان انادولىنىڭ ءاربىر ازاماتى ونىڭ الەمدەگى ەڭ تاماشا ماحاببات حيكاياسى ەكەنىن جاقسى بىلەدى» دەپ اتاپ وتكەن.
سالتاناتتى جيىنعا ارنايى كەلىپ، وسىندا ءسوز سويلەگەن ايگىلى جازۋشىنىڭ ۇلى اسقار ايتماتوۆ اكەسىنىڭ تۇركيانى ەكىنشى ءۇيى دەپ بىلگەنىن ايتتى.
«قىرعىزدار قايدا بارسا ولاردى بارشا تانيدى. سەبەبى ولاردىڭ ءبىر ءتولقۇجاتى بار، ول - ايتماتوۆ» ، - دەيدى قىرعىز رەسپبۋليكاسىنىڭ تۇركياداعى وكىلەتتى جانە توتەنشە ەلشىسى يبراگيم ءجۇنىسوۆ.
***
قازاقستاندا رۋحاني- ادامگەرشىلىككە تاربيەلەيتىن العاشقى ورتالىق سالىنىپ جاتىر - Fars اقپارات اگەنتتىگى
وتباسىنداعى انالاردىڭ ورنىن نىعايتۋ ماقساتىندا قازاقستاندا «انالارعا تاعزىم» اتتى رۋحاني- ادامگەرشىلىككە تاربيەلەيتىن العاشقى ورتالىق سالىنىپ جاتىر. Fars اقپارات اگەنتتىگىنىڭ حابارلاۋى بويىنشا، اقتوبە وبلىسىنىڭ اكىمى بەردىبەك ساپاربايەۆتىڭ باستاماسىمەن «انالارعا تاعزىم» اتتى رۋحاني- ادامگەرشىلىككە تاربيەلەيتىن العاشقى ورتالىق سالىنباق.
اتالمىش ورتالىقتىڭ جۇمىسىنىڭ نەگىزگى ماقساتى - قازاقتىڭ تانىمال ايەلدەرىنىڭ ومىرلەرى مەن قۇندى جۇمىستارىن تانىستىرىپ، وتباسىندا ايەلدىڭ ورنىن كۇشەيتۋ، بولاشاق انالاردى قازاقتىڭ ادەت- عۇرىپتارى نەگىزىندە تاربيەلەۋ.
***
1215 توننا قازاقستان بيدايى قىتايدىڭ ليانيۋنگان پورتىنا جەتتى - «جەنمين جيباو» (People Daily)
قازاقستان بيدايى قىتايدىڭ ليانيۋنگان پورتى ارقىلى شەتەلگە ەكسپورتتالادى. بۇل تۋرالى People Daily سايتى حابارلادى.
5 -اقپان كۇنى 1215 توننا قازاقستان بيدايىن تيەگەن ارنايى استىق تاسيتىن جۇك پويىزدارى ليانيۋنگان پورتىنا جەتكەن. بۇل بيداي ليانيۋنگان پورتىنان تەڭىز جولى ارقىلى ۆەتنامعا جونەلتىلمەك.
«الداعى ەكى ايدا، شامامەن قازاقستان بيدايىن تيەگەن 4 جۇك پويىزى ليانيۋنگان پورتى ارقىلى تەڭىزگە شىعادى. بۇل قازاقستان تەمىرجولى مەن قىتاي تەمىرجولىنىڭ قولداۋىنىڭ ارقاسىندا جۇزەگە اسىپ وتىر. قىتاي تاراپى تەمىر جول تاريفىن 30 پايىزعا جەڭىلدەتتى. بۇل قازاقستان استىعىنىڭ وزىندىك قۇنىن ەداۋىر تومەندەتىپ وتىر» ، دەپ جازادى دەرەككوز.
ەسكە سالا كەتەيىك، وتكەن جىلى العاشقى 720 توننا قازاقستان استىعى ليانيۋنگان پورتىنان ۆەتنامنىڭ حوشيمين پورتىنا جونەلتىلگەن ەدى.
ليانيۋنگان تەڭىز پورتى قىتايداعى تەمىرجول باعدارىمەن تىكەلەي بايلانىسقان الەمدەگى ءىرى پورتتاردىڭ ءبىرى سانالادى.
***
180 مەترلىك ايداھارمەن كوكتەم مەرەكەسىن قارسى الدى - تيان- شان پورتالى
قىتايدىڭ كوكتەم مەرەكەسىنە وراي، مالازيانىڭ كۋالا- لۋمپۋر قالاسىندا ەل ەرەكشە ايداھار ءبيىن تاماشالادى.
تيان- شان پورتالىنىڭ مالىمەتىنشە، 99 ادامنان قۇرالعان بيشىلەر توبى ءبىر مەزەتتە، كوشە بويىندا 180 مەترلىك ۇزىندىقتاعى LED شىراعى اسىلعان ايداھار ءبيىن بيلەگەن.
ايتا كەتەيىك، 16 -اقپان، قىتاي حالقى شىعىس كۇنتىزبەسى بويىنشا جاڭا جىل مەرەكەسىن تويلايدى. قىتاي جاڭا جىلى - چۋنتسزە، ياعني "كوكتەم مەرەكەسى" دەپ اتالادى.
***
قازاقستان تۇركى تەكتەس ەلدەرى مەن كورشىلەرىنەن باسىپ وزدى - TRT
2018 -جىلدىڭ ەكونوميكالىق ەركىندىك بويىنشا حالىقارالىق رەيتينگىندە قازاقستان 41- ورىننان كورىندى. بۇل تۋرالى تۇركيا راديو تەلەديدار پورتالى حابارلادى.
ا ق ش- تىڭ The Heritage Foundation فوندى تاراپىنان جىل سايىن جاريالاناتىن جاھاندىق ەكونوميكالىق ەركىندىك يندەكسىنىڭ قورىتىندىسى شىقتى. 2018 -جىلدىڭ زەرتتەۋ ناتيجەلەرىنە قاراعاندا، قازاقستان ورتالىق ازيا ايماعى جانە تۇركى الەمى ىشىندە ءبىرىنشى ورىندا تۇر.
قازاقستان ەكونوميكاسى وتكەن جىلى وسى تىزىمدە 42- ورىندا بولاتىن.
186 ەلدىڭ دەرەكتەرىنەن قالىپتاستىرىلعان زەرتتەۋدىڭ ناتيجەسىنە قاراعاندا، قازاقستان 41, تۇركيا 58, ازەربايجان 67, قىرعىزستان 78, وزبەكستان 152- ورىندا. تۇرىكمەنستان وزىنە 169- كەزەكتەن ورىن تاپتى.
«وسى قورىتىندىعا قاراعاندا وتكەن جىلمەن سالىستىرعاندا، سوت ىقپالى، ەڭبەك نارىعىنىڭ يكەمدىلىگى جانە ينۆەستيتسيا ەركىندىگى يندەكستەرىندە جەتىستىككە جەتكەن قازاقستان سالىق جۇگى جانە مەنشىك يندەكستەرىندە السىرەپ تۇر» ، دەپ جازادى دەرەككوز.
***
قازاقستان ەلشىسى قىتاي حالقىنا «كوكتەم» مەرەكەسىنە وراي سالەم جولدادى - «حالىق گازەتى»
قازاقستان رەسپۋبليكاسىنىڭ ق ح ر- داعى ەلشىسى شاحرات نۇرىشيەۆ كوكتەم مەرەكەسىنىڭ كەلۋىنە بايلانىستى قىتاي حالقىنا مەرەكەلىك سالەم جولدادى.
ەلشىنىڭ قۇتتىقتاۋى بۇگىن قىتايدىڭ «حالىق گازەتى» سايتىندا جاريالاندى. وندا شاحرات نۇرىشيەۆ قازاقستان مەن قىتاي ديپلوماتيالىق قارىم- قاتىناس ورناتقاننان بەرى بارلىق سالاداعى بايلانىستىڭ تەرەڭدەپ، ەكى ەلدىڭ سان عاسىردان بەرگى ءداستۇرلى دوستىق قارىم - قاتىناسىنىڭ نىعايىپ جان - جاقتى ستراتەگيالىق سەرىكتەستىك ورناتقانىن اتاپ وتكەن.
«2017 -جىل ەكى ەل قارىم- قاتىناسىنىڭ دامۋ تاريحىنداعى ەرەكشە جىلعا اينالدى. مامىر ايىندا ق ر پرەزيدەنتى نۇرسۇلتان نازاربايەۆ قىتايعا رەسمي ساپارمەن كەلدى جانە بەيجىڭدە وتكەن «ءبىر بەلدەۋ، ءبىر جول» حالىقارالىق ىنتىماقتاستىق فورۋمىنا قاتىستى. ال ماۋسىم ايىندا ق ح ر ءتوراعاسى شي جينپيڭ قازاقستانعا مەملەكەتتىك ساپارمەن بارىپ، شانحاي ىنتىماقتاستىق ۇيىمىنىڭ ءسامميتى مەن EXPO-2017 حالىقارالىق كورمەسىنىڭ اشىلۋىنا قاتىستى» ، - دەلىنگەن قۇتتىقتاۋدا.
سونىمەن بىرگە ەلشى قىتاي ەلىنىڭ گۇلدەنىپ، ودان ءارى دامۋىن، جاڭا جىلدا ءار وتباسىنا تابىس، دەنساۋلىق باقىت تىلەيتىنىن ايتقان.
***
كاسپي تەڭىزى جاعالاۋىنداعى ەلدەر باسشىلارىنىڭ ءسامميتى قازاقستاندا وتەدى - Fars اقپارات اگەنتتىگى
قازاقستان مەن رەسەيدىڭ سىرتقى ىستەر مينيسترلەرى تەلەفون ارقىلى سۇحباتتا كاسپي تەڭىزى جاعالاۋىنداعى ەلدەردىڭ باسشىلارىنىڭ بەسىنشى وتىرىسىن وتكىزۋ مالەسەتىن تالقىلادى.
Fars حابار اگەنتتىگىنىڭ حابارلاۋى بويىنشا، قايرات ءابدىراحمانوۆ پەن سەرگەي لاۆروۆ 2017 -جىلدىڭ جەلتوقسان ايىنىڭ 4-5 كۇندەرى وتكەن كاسپي تەڭىزى جاعالاۋىنداعى ەلدەردىڭ س ءى م- ءنىڭ وتىرىسىندا قابىلدانعان شەشىمدەرگە سايكەس باسشىلار دەڭگەيىندەگى بەسىنشى وتىرىسقا ازىرلىك جاساۋ تۋرالى پىكىر الماستى.
«لاۆروۆ سونىمەن قاتار يير- نىڭ سىرتقى ىستەر ءمينيسترى موحامماد دجاۆاد زاريفپەن تەلەفون ارقىلى سويلەسىپ، حالىقارالىق جانە ايماقتىق ماڭىزدى ماسەلەلەر، سونىڭ ىشىندە كاسپي تەڭىزى باسشىلارىنىڭ الداعى وتىرىسىنا ازىرلىك تۋرالى كەڭەستى. كاسپيي تەڭىزىنىڭ قۇقىقتىق مارتەبەسىن انىقتاۋ اعىمداعى جىلى قازاقستاننىڭ باس قالاسى استانادا باسشىلار دەڭگەيىندە وتەتىن وتىرىستىڭ نەگىزگى تاقىرىبى بولماق» ، دەپ جازادى دەرەككوز.
بۇدان بۇرىن رەسەي پرەزيدەنتىنىڭ كاسپي تەڭىزى جاعالاۋىنداعى ەلدەرمەن ىنتىماقتاستىق جاساۋ ءىسى بويىنشا ارنايى وكىلى رامازان ابدۋلاتيپوۆ وتىرىستىڭ 2018 -جىلدىڭ ناۋرىز ايىنىڭ سوڭىندا ءوتۋى مۇمكىن ەكەندىگىن مالىمدەگەن بولاتىن.
***
قارلى دالادا قايناعان 1000 قازان - (قىتايدىڭ «ورتالىق حالىق راديوسى» )
ال قىتايداعى قانداستارىمىز قىسقى تابيعاتتىڭ قىزىعىنان ءلاززات الۋدا. اقپاننىڭ 3-4 كۇندەرى شىنجاڭنىڭ ىلە ايماعىنا قاراستى نارات حالقارالىق شاڭعى الاڭىندا «قار- مۇز مادەنيەت» مەرەكەسى وتكىزىلدى.
«جەر ۇيىعى ناراتتاعى قىسقى اۋەن» تاقىرىبىمەن وتكەن «قار- مۇز مادەنيەت» مەرەكەسىنىڭ بۇرىنعى جىلدارداعىدان بوگەنايى بولەك وزگەشەلىگى، اق قاردىڭ ۇستىندە مىڭ ادامنىڭ ساماۋىر قازاننان دالا تاعامىن جەۋى بولدى» ، دەپ جازادى قىتاي «ورتالىق حالىق راديوسىنىڭ» رەسمي سايتى.
ۇلتتىق سالت- سانا مادەنيەتى مەن قار- مۇز تاقىربى ۇشتاستىرىلىپ، ءتۇرلى مادەني قيمىلدار ارقىلى جەر- جەردەن كەلگەن ساياحاتشىلارعا جەر ۇيىعى كوركەم ىلەنىڭ تابيعاتى مەن مادەنيەتىن تانىستىردى. ەكى كۇنگە سوزىلعان شارادا، كونتسەرتتىك باعدارلامالار، ۇلتتىق سپورتتىق ويىندار، قىران بۇركىت باپتاعان ساياتشىلىق ونەرى، سوعىم مادەنيەتى سەكىلدى كورنەكتى شارالاردان تىس، قارلى دالادا تاماقتانۋ، قارلى دالاعا تۇنەۋ سەكىلدى قىزىقتى قيمىلدار وتكىزىلگەن.
اۆتور: ريزابەك نۇسىپبەك ۇلى