ق ح ا: وزگە ۇلتتىڭ 1000 بالاسى جىل سوڭىنا دەيىن قازاق ءتىلىن مەڭگەرىپ شىعادى
11:47, 27 - اقپان 2015
استانا. قازاقپارات - قازاقستان حالقى اسسامبلەياسى جىلى اياسىندا «مىڭ بالا» شاراسى قولعا الىنباق.
ونىڭ نەگىزىندە وزگە ۇلتتىڭ 1000 بالاسى جىل سوڭىنا دەيىن مەملەكەتتىك ءتىلدى مەڭگەرىپ شىعادى.
بۇل تۋرالى بۇگىن «استانا- انكارا» قازاق- تۇرىك مەدياكونفەرەنسياسىندا قازاقستان حالقى اسسامبلەياسى ءتوراعاسىنىڭ بىرىنشى ورىنباسارى ەرالى توعجانوۆ ءمالىم ەتتى.
«ءبىز «مىڭ بالا» جوباسىن باستادىق. ول بويىنشا، وزگە ۇلت وكىلدەرىنەن 1000 بالا جىل سوڭىنا دەيىن مەملەكەتتىك ءتىلدى بىلەتىن بولادى. بۇگىندە ونداي جۇمىستار اتقارىلۋدا»، - دەپ اتاپ ءوتتى ول.
ونىڭ ايتۋىنشا، ق ح ا- نىڭ جىلىنا ارنالعان بارلىق شارالارمەن اسسامبلەيانىڭ رەسمي سايتىنان تانىسۋعا بولادى.
اۆتور: جاسۇلان جولدىبايەۆ