قىزىلوردالىقتاردىڭ جالپى سانىنا شاققاندا 1000 ايەلگە 998 ەركەكتەن كەلەدى
09:13, 31 - شىلدە 2014
قىزىلوردا. قازاقپارات - بيىلعى 1- ماۋسىمداعى ەسەپ بويىنشا قىزىلوردالىقتاردىڭ جالپى سانى 745,6 مىڭدى قۇرادى. سوندا 1000 ايەلگە 998 ەر ادامنان كەلەدى ەكەن.
«1000 ادامعا شاققاندا تابيعي ءوسىم 20,1 بولىپ، رەسپۋبليكا بويىنشا قىزىلوردا بەسىنشى ورىنعا شىقتى»، - دەدى بۇگىن «سىر مەديا» ج ش س جانىنداعى وبلىستىق كوممۋنيكاتسيالار ورتالىعىندا وتكەن بريفينگتە وبلىستىق ستاتيستيكا باسقارماسىنىڭ باسشىسى باقىت ساپار.
ول ءوڭىردىڭ ەكونوميكالىق دامۋ كورسەتكىشتەرىنە دە توقتالدى. ايتۋىنشا، بيىل ونەركاسىپ ءوندىرىسىنىڭ كولەمى 593,2 ميلليارد تەڭگەنى قۇراپ، وتكەن جىلدىڭ ەسەپتى مەرزىمىمەن سالىستىرعاندا 4,1 پايىزعا ازايعان. كەن ءوندىرۋ ونەركاسىبى جانە كارەرلەردى قازۋ كولەمى 5 پايىزعا كەمىگەن.
«بارلىعى 886 جاڭا عيمارات سالىندى. سونىڭ ىشىندە 872 تۇرعىن ءۇي بوي كوتەردى. 5577 شاعىن جانە ورتا بيزنەس سۋبەكتىسى تىركەلدى. بيىل جۇمىسسىزدىق دەڭگەيى 5,2 پايىزدى قۇرادى»، - دەدى باقىت ساپار.
اۆتور: ەلۋباي اۋەزوۆ