پاكىستان مەشىتىندەگى تەراكتىدەن قازا تاپقان 100 ادامنىڭ 97- ءسى - پوليتسەي
بۇل تۋرالى پاكىستان ىشكى ىستەر مينيسترلىگىنىڭ باسشىسى رانا ساناۋللا ۇلتتىق جيىن الدىندا مالىمدەدى. ول ARIA News تەلەارناسىنان كورسەتىلدى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
«تەراكت سالدارىنان 97 پوليتسەي مەن 3 قاراپايىم ازامات قازا تاپتى»، - دەدى ساناۋللا.
پەشاۆارا قالاسىندا دۇيسەنبى كۇنى بولعان جارىلىستان مەرت بولعاندار سانى 100-گە جەتىپ، جاراقات العاندار 200-دەن استى.
ۇلتتىق قاۋىپسىزدىك ورگانى قىزمەتكەرلەرىنىڭ اقپاراتىنا سايكەس، جانكەشتى لاڭكەس جارىلعىش زاتتى مەشىتكە بەسىن نامازى كەزىندە ىسكە قوسقان. سول ساتتە مەشىتتە ادام كوپ بولعان، ونىڭ ىشىندە پوليتسيا قىزمەتكەرلەرى مەن اسكەريلەر بار.
بۇعان دەيىن حابارلانعانداي، لەدي رەدينگ اتىنداعى پەشاۆار اۋرۋحاناسىندا توتەنشە جاعداي جاريالاندى - وندا جاراقات العاندار كوپتەپ ءتۇسىپ جاتىر، كوبىنىڭ جاعدايى اۋىر، مەديتسينا قىزمەتكەرلەرى دونورلاردان قان تاپسىرۋدى سۇرايدى.
قازاقستان پرەزيدەنتى قاسىم- جومارت توقايەۆ پاكىستان پرەزيدەنتى اريف الۆي مەن پرەمەر- ءمينيسترى شاحباز شاريفكە كوڭىل ايتۋ جەدەلحاتىن جولدادى.
مەملەكەت باسشىسى پەشاۆار قالاسىنداعى مەشىتتە بولعان لاڭكەستىك ارەكەت سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىل العانىن جەتكىزدى.
فوتو: REUTERS
اۆتور
بالنۇر قوجاگەلدى