بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆ ايتتى، دەپ حابارلايدى قازاقپارات ءتىلشىسى.
«مەملەكەت باسشىسى 2019-جىلعى 30- قاڭتاردا وتكەن كەڭەيتىلگەن وتىرىستا سالا الدىنا ءبىرقاتار مىندەتتەر قويدى. ەت ەكسپورتىن ارتتىرۋ بويىنشا، وزدەرىڭىز بىلەسىزدەر، وتكەن جىلى 19 مىڭ توننا سيىر ەتى ەكسپورتتالدى. بيىلعى جىلعى مەجە 30 مىڭ توننا سيىر ەتىن ەكسپورتتاۋ جوسپارلانىپ وتىر»، - دەدى مينيستر.
ونىڭ ايتۋىنشا، بەرىلگەن تاپسىرمانى ورىنداۋ ءۇشىن ەتتى مال شارۋاشىلىعىن دامىتۋ باعدارلاماسىن ىسكە اسىرۋ جالعاساتىن بولادى. ءىرى قارا مالدى تۇقىمدىق تۇرلەندىرۋ جۇرگىزىلەدى.
«بيىل 1,2 ميلليون باس ءىرى قارا مال تۇقىمدىق تۇرلەندىرۋگە قاتىسۋى ءتيىس. بورداقىلاۋ الاڭدارىنا 353,6 مىڭ باس بۇقاشىق جەتكىزۋ كەرەك جانە 100 مىڭ باس ءىرى قارا مال، 415 مىڭ باس ۇساق مال ساتىپ الۋ كەرەك. ول ءۇشىن قاجەتتى كرەديتتىك رەسۋرستار قاراستىرىلعان»، - دەدى ءو. شوكەيەۆ.