كەڭەستە مەملەكەت باسشىسى وتكەن كەزەڭدەردە اتقارىلعان جۇمىستار العا قويعان رەفورمالاردى تىكەلەي جۇزەگە اسىرۋ ءۇشىن جاعىمدى احۋال قالىپتاستىرىپ وتىرعانىن اتاپ ءوتتى.
«ءبىز ايقىنداعان بەس ينستيتۋتسيونالدىق رەفورما - بۇل جاڭا ەكونوميكالىق شىنايىلىق جاعدايىنداعى كەشەندى دامۋ جوسپارى. سوندىقتان دا ۇلت جوسپارىن ساپالى ورىنداۋ - ءبىرىنشى كەزەكتەگى نەگىزگى مىندەت. وسى ارالىقتا ۇلكەن جۇمىستار اتقارىلدى. ۇكىمەت قاجەتتى زاڭداردى، ءتيىستى نورماتيۆتىك اكتىلەردى قابىلدادى، مەريتوكراتيا قاعيداتتارىنا نەگىزدەلگەن مەملەكەتتىك قىزمەت مودەلى ەندى، ءادىلسوت جۇيەسىنىڭ ءۇشبۋىندى جۇيەسىنە كوشۋ جۇرگىزىلدى. جوعارعى سوت جانىنداعى حالىقارالىق كەڭەس تە جۇمىسقا كىرىستى. بۇدان بولەك، سۋديالارعا قويىلاتىن بىلىكتىلىك تالاپتارى دا قاتايتىلدى. سالىقتىق جانە كەدەندىك ساياساتتى جەتىلدىرۋ جونىندەگى جۇمىستار اتقارىلۋ ۇستىندە. اۋقىمدى جەكەشەلەندىرۋ جۇزەگە اسۋدا، ەلدى يندۋستريالاندىرۋدىڭ ەكىنشى كەزەڭىنە قادام باستىق، الەۋمەتتىك ساياسات تا جەتىلدىرىلۋ ۇستىندە، مەملەكەتتىڭ ەسەپتىلىگى كۇشەيتىلىپ جاتىر. تۇتاستاي العاندا بۇگىنگى كۇنى «100 ناقتى قادامنىڭ» 23 ءى تولىعىمەن ورىندالدى» ، - دەدى پرەزيدەنت.
اۆتور: قانات مامەتقازى ۇلى