ءبىر ءوزى 100 سودىردى ولتىرگەن ستۋدەنت قىزدىڭ باسى ءۇشىن 1 ميلليون دوللار تاعايىندالدى - فوتو
بۇل تۋرالى Bored Panda حابارلايدى.
دجواننا 100 دەن استام د ا ي ش جاۋىنگەرىن ولتىرگەن. ول اسكەري قىزمەتى كەزىندە كۇردتەر ورنالاسقان اۋماقتا ءجۇرىپ جەر جاستاندىرىپتى.
دجواننانىڭ قانىندا يراننىڭ دا، كۇردتىڭ دە قانى بار. ول پارسى شىعاناعىنداعى سوعىس كەزىندە يراكتاعى بوسقىندار لاگەرىندە تۋعان. جاسى 2 گە تولعان كەزدە ونىڭ وتباسى كوشىپ كەتەدى. ال 9 جاسىندا ول العاش رەت قولىنا قارۋ الادى.
2014-جىلى قىز دانياداعى كوللەدجدى تاستاپ سيرياعا اتتانادى. ول فەيسبۋكتەگى اككاۋنتىندا دانياداعى ءومىرى ونى «ايەلدەر قۇقىعى مەن دەموكراتيا ءۇشىن كۇرەسۋگە» ىنتالاندىرعانىن ايتىپتى. ول وسىناۋ ەۆروپالىق قۇندىلىقتاردى كارى قۇرلىققا كەلگەننەن كەيىن كورىپ، سەزىنە العان.
ستۋدەنت قىز بىردەن سيريالىق وپپوزيتسيالىق كۇشتەرىنە قوسىلىپ اۋەلى باشار اساد رەجيمىنە قارسى كۇرەسەدى، كەيىن د ا ي ش- قا قارسى سوعىسادى.
ول نەگىزىنەن سوعىس قيمىلدارىن كوباني قالاسىندا جۇرگىزىپ، تۇتقىنعا تۇسكەندەر مەن سەكس-قۇلدىققا تاپ بولعانداردى بوساتۋمەن اينالىسادى.
ونىڭ ارەكەتى دانيا ۇكىمەتىنىڭ دە نازارىن اۋدارادى. ەلگە كەزەكتى رەت كەلگەن كەزدە وعان سوعىس بولىپ جاتقان اۋماققا بارۋعا تىيىم سالىنادى. الايدا دجواننا مۇنىمەن كەلىسە الماي، كاتارعا اتتانادى. ءبىراق قىزدى ۇستاپ الىپ، دانياداعى ءىرى تۇرمەگە قامايدى. ءۇش اپتادان سوڭ ونى بوساتىپ، ءتول قۇجاتىن تاركىلەيدى.
ول تىيىمدى بۇزعانىنا وكىنەدى. ءبىراق، دات ۇكىمەتىنىڭ ءوزىن د ا ي ش تەررورشىلارىمەن تەڭەستىرىپ قويعانىنا كەلىسپەيدى. ال تەرروريستەر بولسا ونىڭ باسى ءۇشىن 1 ميلليون دوللار تاعايىنداعان.
بۇرىنعى ستۋدەنت قازىر جاسىرىنىپ، ءوز ءومىرى ءۇشىن قاۋىپ ۇستىندە ءجۇر. ول ءار ءۇش كۇن سايىن ورىن اۋىستىرىپ، قاشۋمەن كەلەدى.
«مەن - سنايپەرمىن. كەيدە سوعىس الاڭىندا تىنىم تاپپاي 9 كۇنگە دەيىن جۇرە بەرەمىن. تەك وتە مۇقيات قيمىلداۋ كەرەك. تەپە-تەڭدىكتى ءبىر سەكۋندقا دا جوعالتۋعا بولمايدى».
«مەن زاڭدى بۇزعانىما وكىنەمىن. ءبىراق، ول كەزدە مەندە تاڭداۋ بولمادى. مەن قايتىپ ورالۋعا ءتيىس ەدىم».