بۇگىنگى سوت وتىرىسىندا پروكۋرور سۇراقتارىنا بەرگەن جاۋابىندا ول ايەلىن ساعات 11:00 شاماسىندا كورگەنىن ايتتى.
- ول ەس-ءتۇسسىز جاتتى، بۇكىل دەنەسى قان بولدى. باسىنىڭ اينالاسىندا كوپتەگەن زات جاتتى. دارىگەرلەر كيىمىن شەشىپ، قايشىمەن كەسكەن. باسىنىڭ جانىندا كىرپىش سىنىقتارى، كونديتسيونەرگە ۇقسايتىن تەمىر جانە باسقا دا ۇساق زاتتار بولدى. وتا جاسالعاننان كەيىن وقيعا ورنىنا باردىق. سول كەزدە كونديتسيونەردىڭ قالدىقتارىن كورمەدىك، تەك كىرپىشتەر جاتتى، - دەدى مارقۇمنىڭ كۇيەۋى.
ادىلەت زەينەلدىڭ ايتۋىنشا، ول وتاعا تىكەلەي قاتىسپاعان جانە حيرۋرگيالىق ارالاسۋ جۇرگىزبەگەن. وتا كەزىندە وپەراتسيالىق بلوكتا اسسيستەنت رەتىندە بولىپ، قاجەتتى مەديتسينالىق قۇرالداردى اكەلىپ وتىرعان.
- وتاعا قاتىسقان جوقپىن، ءبىراق اسسيستەنت رەتىندە بولدىم. بىزدە ءتۇرلى اسسيستەنتتەر بولادى. ءبىرى دارىگەر-نەيروحيرۋرگپەن بىرگە وتا جاسايدى، ەندى ءبىرى قۇرالداردى بەرىپ تۇرادى. مەن قاجەتتى قۇرالداردى عانا جەتكىزىپ وتىردىم، - دەدى جابىرلەنۋشى.
ول سونداي-اق وتانىڭ جوسپارلى وپەراتسيالىق بلوكتا جاسالعانىن، ال بۇل بلوك سەنبى كۇندەرى ادەتتەگى رەجيمدە جۇمىس ىستەمەيتىنىن اتاپ ءوتتى.
ادىلەت زەينەلدىڭ ايتۋىنشا، ۇلدانا ون كۇن بويى، 8-18 قاراشا ارالىعىندا اۋرۋحانادا جاتقان. بۇل ارالىقتا فەلدشەر ەسىن جيعان جوق. تەك ساۋساعىن قيمىلداتتى، ءبىراق سويلەسپەدى جانە كوزىن اشپادى.
- ءبىز 10 كۇن بويى ۇلدانانىڭ اناممەن جانە اپكە-سىڭلىلەرىمەن بىرگە اۋرۋحانادان شىقپادىق. مەنىڭ تۋىستارىم جانە ۇلدانانىڭ تۋىستارى سول جەردە بولدى. ءدال 18 -قاراشادا مەن نەسيە تولەۋگە كەتتىم. قايتىپ كەلە جاتقانىمدا جانساقتاۋ بولىمىنەن حابارلاسىپ، ونىڭ بارلىق اعزالارى جۇمىسىن توقتاتىپ جاتقانىن ايتتى. ءبىزدى بۇل اقپاراتقا دايىندادى. 18-قاراشا كۇنى شامامەن ساعات 10 جارىمدا جۇرەگىنىڭ توقتاعانىن حابارلادى، - دەدى ادىلەت زەينەل.
جابىرلەنۋشى ادىلەت زەينەلدەن جاۋاپ الۋ جالعاسىپ جاتىر.