ب ق و تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستايەۆتىڭ بريفينگتە ءمالىم ەتكەنىندەي، ناۋقاستاردىڭ ءبىرى بۇرىن كوروناۆيرۋسپەن اۋىرعان اداممەن قارىم-قاتىناستا بولعان. قالعان 9 ى - رەسەيدە ۆاحتالىق ادىسپەن جۇمىس جاسايتىن تۇرعىندار.
ولار ساراتوۆ جانە سامارا وبلىسىمەن شەكتەسەتىن «تاسقالا» مەن «سىرىم» بەكەتتەرىنەن وتكەننەن كەيىن كارانتيندىك ستاتسيونارعا جاتقىزىلعان. سودان كەيىن سىناما الىنعان كەزدە كوروناۆيرۋس جۇقتىرعانى انىقتالدى. قازىرگى كەزدە ون ادام دا وبلىستىق جۇقپالى اۋرۋلار اۋرۋحاناسىندا ءتيىستى ەمدەرىن الۋدا. اۋرۋ وشاقتارىندا دەزينفەكسيالىق جۇمىستار تولىعىمەن جۇرگىزىلدى. وسىلايشا وبلىستا اۋىرعاندار سانى 86 عا جەتىپ، سونىڭ ەكەۋى جازىلىپ شىقتى. سونىڭ باسىم كوپشىلىگى (73 ى) - رەسەيدەن كەلگەندەر.
«قازىرگى تاڭدا ۇيلەرىندە وقشاۋلانىپ جاتقان تۇرعىندار از ەمەس. ولار بولەك بولمەدە تۇرىپ، جەكە باس گيگيەنالارىن قاتاڭ ساقتاي بىلۋلەرى كەرەك. ىدىس- اياقتارى دا بولەك بولادى. بولمەنىڭ ءىشىن ءالسىن- ءالسىن جەلدەتىپ، تاڭمەن جانە كەشتە قىزۋلارىن ولشەيدى. ولاردىڭ جاعدايىن مەديتسينا قىزمەتكەرلەرى ءبىلىپ تۇرادى. وقشاۋلانعان ادامدارمەن بىرگە تۇراتىن وتباسى مۇشەلەرى دە ساقتىق شارالارىن ۇمىتپاۋى ءتيىس»، دەدى ن. مۇستايەۆ.
ەسكە سالا كەتەيىك، بۇدان بۇرىن ورالدا كاسىپكەر قىز-كەلىنشەكتەردىڭ كوپبالالى انالارعا قولۇشىن سوزعانىن، ب ق و- دا رەسەيدەن كەلگەن ستۋدەنتتەن كوروناۆيرۋس انىقتالعانىن جازعان بولاتىنبىز.