بۇل تۋرالى ق ر ق م مەملەكەتتىك كىرىستەر كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.
«2021 -جىلى مەملەكەتتىك بيۋدجەتكە سالىق تۇسىمدەرى بويىنشا جوسپار 103,6 پايىز (جوسپار بويىنشا 10346,9 ميلليارد تەڭگە، 377,4 ميلليارد تەڭگەگە اسىرا ورىنداۋمەن 10724,3 ميلليارد تەڭگە ءتۇستى) ورىندالدى. 2020 -جىلمەن سالىستىرعاندا 25,3 پايىزعا نەمەسە 2 163,1 ميلليارد تەڭگەگە ارتتى. ونىڭ ىشىندە: رەسپۋبليكالىق بيۋدجەت 102,1 پايىز ورىندالدى. 2020 -جىلمەن سالىستىرعاندا 26,6 پايىزعا نەمەسە 1482,1 ميلليارد تەڭگەگە ءوستى. جەرگىلىكتى بيۋدجەت 106,8 پايىزعا ورىندالىپ، 2020 -جىلمەن سالىستىرعاندا 22,8 پايىزعا نەمەسە 681,0 ميلليارد تەڭگەگە ءوستى»، - دەپ اتاپ وتەدى كوميتەتتەن.
ۆەدومستۆو مالىمەتىنشە، 2020 -جىلمەن سالىستىرعاندا رەسپۋبليكالىق بيۋدجەتكە تۇسىمدەر ءوسىمىنىڭ ەڭ كوپ سوماسى مۇنايعا سالىناتىن كورپوراتيۆتى تابىس سالىعى بويىنشا 533,7 ميلليارد تەڭگەگە نەمەسە % 34,2، ەكسپورتتىق كەدەن باجدارى بويىنشا 441,0 ميلليارد تەڭگەگە نەمەسە 1,8 ەسە، ە ا ە و ەلدەرىنەن يمپورتقا قوسىلعان قۇن سالىعى بويىنشا 235,8 ميلليارد تەڭگەگە نەمەسە % 34,7، ءۇشىنشى ەلدەردەن يمپورتقا ق ق س بويىنشا 149,3 ميلليارد تەڭگەگە نەمەسە % 23,1 جانە پايدالى قازبالاردى ءوندىرۋ سالىعى بويىنشا 116,8 ميلليارد تەڭگەگە وسكەنى نەمەسە % 35,1 بايقالادى.
2021 -جىلى 2020 -جىلمەن سالىستىرعاندا نەگىزگى ەكسپورتتىق پوزيتسيالارعا باعانىڭ كوتەرىلۋى تىركەلدى. ونىڭ ىشىندە باعا مۇنايعا 68,7، مىسقا 50,8، اليۋمينييگە 44,2، مىرىشقا 32,2، كۇمىسكە 22,5، قورعاسىنعا 20,4 جانە التىنعا 1,7 پايىزعا ارتتى.
مۇنايعا سالىناتىن كەدەندىك اكەتۋ باجىنىڭ مولشەرلەمەسى 69,2 پايىزعا ءوستى. ءۇشىنشى ەلدەرمەن تاۋار اينالىمى 2021 -جىلى 2020 -جىلمەن سالىستىرعاندا 14,1 پايىزعا ۇلعايدى. 2021 -جىلى ءبىر سالىق تولەۋشىگە ونلاين باقىلاۋ- كاسسا ماشينالارىنان ورتاشا ءتۇسىم 16,6 پايىزعا ارتتى.
اۆتور: مارلان جيەمباي