بۇعان دالەل، دۋبايدا ح ق ك و (حالىققا قىزمەت كورسەتۋ ورتالىقتارى) مامانداردىڭ جۇمىسىن ارنايى روبوتتار اتقارا باستاعان. دەمەك، روبوتتار مەن تەحنالوگيالار ءومىرىمىزدىڭ ءبىر بولشەگىنە اينالىپ بارادى.
وسى ورايدا The Qazaq Times الداعى 10-15 جىلدىڭ كولەمىندە نارىقتان كەتەتىن جانە تولىقتاي زاماناۋي تەحنالوگيالىق جابدىقتارمەن الماستىرىلاتىن قىزمەت تۇرلەرىن نازارىڭىزعا ۇسىنادى.
1. ساۋدا ورتالىقتارىنداعى كاسسير
دۇكەندەردەگى كاسسيردىڭ قىزمەتى - تاۋاردىڭ شتريح كودىن تەرىپ، باعانى ەسەپتەپ، اقشانى الۋمەن شەكتەلەدى. سول سەبەپتى دە، بولشاقتا ساتىپ الۋشىلار ارنايى كومپيۋتەردىڭ كومەگىمەن تاۋاردىڭ قۇنىن ءبىلىپ، اقشاسىن تولەيتىن بولادى. ياعني، بۇل جۇمىس اۆتوماتتاندىرىلاتىن بولادى. قازىردىڭ وزىندە، چەحيانىڭ كوپتەگەن ساۋدا ورتالىقتارىندا، دۇكەندەردە ءوز- وزىنە قىزمەت كورسەتۋ كاسسالارى جۇمىس ىستەيدى.
2. كۇزەتشىلەر
ايماققا كەلگەن ادامداردى تانىپ، باقىلاۋشى كارتالارىن تەكسەرىپ، كىرگىزىپ وتىراتىن تەحنالوگيالار قىتايدا سىناقتان ءساتتى وتكەن بولاتىن. بۇل تولىقتاي كۇزەتشىنىڭ قىزمەتىن اتقارا الادى.
3. ءتىس دارىگەرلەرى
مەديتسينانىڭ دامۋى دا كوپتەگەن قىزمەت تۇرلەرىنىڭ قاجەتسىز بولىپ قالۋىنا سەبەپ بولىپ وتىر. بالكىم، ەستىگەن بولارسىز، عالىمدار ادامنىڭ ءتىسىن وزدىگىنەن ەمدەپ، ەمالداعى جانە تىستەگى تەسىكتەردى بەكتىپ، ءتىستىڭ ءوزىن-ءوزى ەمدەۋىنە كومەكتەسەتىن ءتىس پاستاسىن جاساپ شىعاردى.
4. قۇرىلىسشىلار
سوڭعى كەزدە تانىمال بولا باستاعان 3D پرينتەرلەر بارلىق قۇرىلىس نىساندارىن ادامنىڭ كومەگىنسىز-اق جاساپ شىعارۋعا مۇمكىندىگى بەرىپ وتىر.
5. بۋحالتەرلەر
اقشامەن، ەسەپپەن اينالىساتىن ادامداردىڭ قيىن جۇمىسىن كومپيۋتەرلىك باعدارلامالار تولىقتاي الماستىراتىن بولادى.