سوڭعى 10 جىلدا 42 ادامدى ولتىرگەن قىلمىسكەر قولعا ءتۇستى
10:43, 12 - جەلتوقسان 2014
استانا. قازاقپارات - برازيليالىق پوليتسەيلەر سوڭعى 10 جىلدا ريو- دە- جانەيرودا 40 تان استام ادامدى ولتىرگەنىن مويىنداعان ەر ادامدى ۇستادى.
سايلسون جوزە داس گراساس سارسەنبى كۇنى، ريو ماڭىندا ايەلدى سوعىپ ولتىرگەنى ءۇشىن ۇستالعان، دەپ حابارلادى BBC.
كەيىن ول تاعى 37 ايەل، ءۇش ەر ادامدى جانە ەكى جاسار قىزدى ولتىرگەنىن ايتقان.
Globo ارناسىندا كورسەتىلگەن پوليتسەيلەرمەن اڭگىمەسىندە ول ادامدى ءولتىرۋدى جالعاستىرعىسى كەلەتىنىن ايتتى. سونداي-اق ول تۇرمەدەن شىققان سوڭ، ادامداردى ءولتىرۋدى جالعاستىراتىنىن ايتتى.
پوليتسيا جاپا شەككەندەردىڭ مۇردەلەرىن ىزدەستىرۋدە، ازىرگە 4 ادامنىڭ ءمايىتى عانا تابىلدى.
سايلسون جوزە داس گراساس سونداي-اق، شاشى اشىق ءتۇستى نازىك جاندىلاردى بۋىندىرىپ ءولتىرۋدى قالايتىنىن ايتتى.
ونىڭ ايتۋىنشا، بىرنەشە اي بويى وزىنەن جاپا شەككەندەردى باقىلاپ، كەيىن ولارعا شابۋىل جاسايدى ەكەن.