شەتەلدىك ب ا ق- تىڭ حابارلاۋىنشا، بريستل ميچيگان ۋنيۆەرسيتەتىنىڭ جانىنداعى پالەونتولوگيا مۇراجايىنا تەلەفون سوققان. مۇراجاي قىزمەتكەرلەرى شارۋانىڭ ەگىستىكتە مامونتتاردىڭ سيرەك كەزدەسەتىن گيبريدىنىڭ سۇيەگىن انىقتاعانىن ايتتى.
سۇيەكتەر تابىلعان جەرگە ۋنيۆەرسيتەتتىڭ پروفەسسورى مەن ستۋدەنتتەرى كەلىپ، قازبا جۇمىستاردى باستادى. قازىرگى كەزدە كونە سۇتقورەكتى جانۋار سۇيەكتەرىنىڭ 20 پايىزى انىقتالعان، سونىڭ ىشىندە باس سۇيەگى مەن ازۋ تىستەرى دە بار. بۇل مامونتتىڭ 11-15 مىڭ جىل بۇرىن 40 جاسىندا كوز جۇمعانى شامالانىپ وتىر.
ماماندار مۇندا ءومىر سۇرگەن ادامدار كەيىننەن قايتىپ ورالۋ ءۇشىن ەتتى ءبولىپ، جاسىرعان دەپ ەسەپتەپ وتىر.
ا ق ش زاڭى بويىنشا جەر يەسىنىڭ ودان تابىلعان زاتتارعا قۇقىلى ەكەنى اتاپ وتىلەدى، سوندىقتان مامونت سۇيەكتەرى بريستلدىڭ فەرما جانىنداعى دۇكەندە جاتىر.