قازاقستاندا پايدالانىلماي جاتقان جەر سالىعى 10-15 ەسەگە ارتاتىن بولادى

استانا. قازاقپارات - قازاقستاندا پايدالانىلماي جاتقان جەر سالىعى 10-15 ەسەگە ارتاتىن بولادى. بۇل تۋرالى بۇگىن «قازاقستان فەرمەرلەر وداعى» رەسپۋبليكالىق قوعامدىق بىرلەستىگىنىڭ پرەزيدەنتى اۋەزحان دارينوۆ ءمالىم ەتتى.

«الداعى ۋاقىتتا پايدالانىلماي جاتقان اۋىل شارۋاشىلىعى ماقساتىنداعى جەرلەردىڭ سالىعىن 10-15 ەسەگە كوتەرۋ جوسپارلانىپ وتىر. قازىرگى كەزدە ءبىرىڭعاي» جەر سالىعى قولدانىستا.

ماسەلەن، اۋدانداعى ءبىر گەكتار جەر 15 مىڭ تەڭگە بولسا، كەلەسىسىندە ول 30 مىڭ تەڭگەنى قۇراۋى مۇمكىن. بۇل رەتتە سالىق ءبىر گەكتار جەر قۇنىنىڭ 0,1 پايىزىن قۇرايدى» ، دەدى ول ق ر  ا ش م ىسكەرلىك كەڭەسىنىڭ اگروونەركاسىپ كەشەنى سۋبەكتىلەرىنە سالىق سالۋ ماسەلەسىنە ارنالعان جيىنى بارىسىندا.

 ال ق ر  ا ش م جاۋاپتى حاتشىسى ارمان ەۆنەيەۆتىڭ سوزىنە قاراعاندا، قولدانىستاعى زاڭناما اياسىندا سالىق سالماعىن ساقتاۋ ماقساتىندا اۋىل شارۋاشىلىعى تاۋارلارىن وندىرۋشىلەر مەن شارۋا قوجالىقتارىن قورشاعان ورتا ەميسسياسىن تولەۋدەن بوساتۋ كوزدەلۋدە.

 «سونىمەن قاتار قوسىمشا جەڭىلدىكتەرى بار جالپى بەكىتىلگەن رەجىم ەنگىزۋ قاراستىرىلۋدا. اتاپ ايتقاندا، جالدانعان جۇمىسشىلار بويىنشا ەڭبەكاقى تولەمى قورى سوماسىنا سالىق سالۋ كىرىسىن ەكى ەسە ازايتۋ، الەۋمەتتىك سالىقتى 11 پايىزدان 6,5 پايىزعا تومەندەتۋ، اۋىل شارۋاشىلىعىنا پايدالانىلاتىن كولىكتەر مەن مۇلىكتەردى سالىقتان بوساتۋ جانە قورشاعان ورتا ەميسسياسىن تولەۋدەن بوساتۋ قاراستىرىلادى» ، دەدى ا. ەۆنەيەۆ.

اۆتور: مارلان جيەمباي