1 ميلليارد تەڭگەگە جۋىق قاراجات جىمقىرىلدى: Astana English School ديرەكتورى مەن باس ەسەپشىسى ۇستالدى
استانا. KAZINFORM - ق م ا استانا قالاسى بويىنشا دەپارتامەنتى استانا قالاسى اكىمدىگىنە قاراستى «№81 Astana English School حالىقارالىق مەكتەبى» ك م م- ءنىڭ لاۋازىمدى تۇلعالارىنا قاتىستى بيۋدجەت قاراجاتىن جىمقىرۋ فاكتىسى بويىنشا تەرگەۋ جۇرگىزىپ جاتىر.
استانا قالاسى بويىنشا ۇ ق ك د قىزمەتكەرلەرىمەن بىرلەسىپ، بۇرىنعى ديرەكتور مەن باس بۋحگالتەردىڭ 900 ميلليون تەڭگەدەن استام قاراجاتتى جىمقىرعانى انىقتالدى.
بۇل سومانىڭ ءبىر بولىگى - اتا-انالاردان دايىندىق سىنىپتارىنا وقىتۋ جانە جازعى لاگەرگە قاتىسۋ ءۇشىن قولما-قول الىنعان اقشا. الايدا بۇل قاراجات مەكەمە شوتتارىنا تۇسپەي، ۇرلانعان.
سونىمەن قاتار شامامەن 16 ميلليون تەڭگە ءىس جۇزىندە ۇيىمدا جۇمىس ىستەمەيتىن جالعان قىزمەتكەرلەر اتىنا اۋدارىلعان. ولاردىڭ قاتارىندا كۇدىكتىلەردىڭ جالعان تۇردە راسىمدەلگەن تۋىستارى دا بار.
كۇدىكتىلەر قىلمىستىق جولمەن الىنعان تابىستارعا جالپى قۇنى 382 ميلليون تەڭگە بولاتىن مۇلىك ساتىپ العان: كوتتەدج، ەلوردادا ەكى پاتەر جانە اۆتوكولىك.
سوت سانكسياسىمەن بۇل مۇلىككە تىيىم سالىندى. كۇدىكتىلەر قاماۋعا الىندى.
ق ر قىلمىستىق- پروتسەستىك كودەكسىنىڭ 201-بابىنا سايكەس وزگە اقپارات جاريالاۋعا جاتپايدى.