1-مامىر- قازاقستان حالقىنىڭ بىرلىگى كۇنى
استانا. قازاقپارات - 1996 -جىلى پرەزيدەنت جارلىعىمەن 1-مامىر -قازاقستان حالقىنىڭ بىرلىگى كۇنى بولىپ بەكىتىلگەن.
جالپى، 1-مامىردىڭ اتاۋلى كۇن رەتىندە بەلگىلەنۋ تاريحىنا ۇڭىلسەك، اسا قۋانىشتى جايتتان باستالماعان. بۇل كۇنى 1856 -جىلى اۋستراليادا العاش رەت جۇمىسشىلار ەرەۋىلى وتەدى. اۋستراليادان كەيىن وقيعا ا ق ش- تىڭ چيكاگو قالاسىندا قايتالانادى، وندا دا ءوز قۇقىقتارىن قورعاعان جۇمىسشىلار شەرۋگە شىعادى جانە بىرنەشە ادام جاراقات الىپ، قازا تابادى. وسى جاعدايدى ەسكە الۋ جانە بۇكىل الەمدەگى جۇمىسشىلارمەن ىنتىماقتاستىق بەلگىسى رەتىندە 1-مامىر - جۇمىسشىلاردىڭ ىنتىماقتاستىق كۇنى رەتىندە اتالىپ وتە باستايدى. كەڭەس وداعىنا كىرگەن مەملەكەتتەردە 1-مامىر مەرەكەسىنىڭ ۇرانى - «بەيبىتشىلىك، ەڭبەك، مامىر» بولدى.
عاسىرلار بويى قازاق دالاسى ءتۇرلى مادەنيەت مەن ءداستۇر توعىسقان ورتاعا اينالدى. تاريحي وقيعالارعا بايلانىستى XVIII عاسىردان باستاپ، رەسەي يمپەرياسىنان قونىس اۋدارعان تاتارلار، ورىستار، ۋكرايندەر، نەمىستەر كەلە باستادى. 1937 -جىلى كەڭەس وداعى دەپورتاتسيالاعان كارىستەر، ال 1944 -جىلى - شەشەندەر مەن ينگۋشتار قازاقستانعا كۇشتەپ كوشىرىلدى. بۇل كوش 1954 -جىلى باستالعان تىڭ يگەرۋ جىلدارى جاندانا ءتۇستى. تاعدىر تالقىسىمەن ءتۇرلى ۇلتتىڭ شاڭىراعىنا اينالعان قازاقستان جەر- جاھانعا بەيبىتشىلىكتىڭ وزىق ۇلگىسى رەتىندە تانىلدى. بەيبىتشىلىك دەمەكشى، الەمدە گەوساياسي احۋال كۇردەلەنىپ، قارۋلى قاقتىعىستار تىيىلماي تۇرعان قازىرگى ۋاقىتتا بۇل ۇعىم بۇرىنعىدان دا وزەكتى بولا تۇسكەندەي.
ەگەمەندىك العان جىلدارى قازاقستانداعى بەيبىتشىلىك پەن كەلىسىمدى نىعايتۋ تاۋەلسىزدىكتى ساقتاۋدىڭ باستى نەگىزدەرىنىڭ بىرىنە اينالدى. وسىلايشا 1995 -جىلعى 1-ناۋرىزدا قازاقستان حالقى اسسامبلەياسى قۇرىلدى. جۋىردا وتكەن اسسامبلەيانىڭ سەسسياسىندا مەملەكەت باسشىسى قاسىم- جومارت توقايەۆ قازاقستان حالقى اسسامبلەياسىنىڭ 30 جىلدىعى - ەگەمەندىك تاريحىنداعى ايتۋلى وقيعا ەكەنىن ايتتى.وتىز جىلدىق بەلەستە اسسامبلەيا كونسۋلتاتيۆتى- كەڭەسشى ورگاننان كونستيتۋتسيالىق ورگانعا دەيىن ءوستى. مەملەكەت باسشىسى اسسامبلەيا ۇسىنعان پارلامەنت سەناتىنىڭ 5 دەپۋتاتىن تاعايىندايدى. ەل اۋماعىندا مىڭنان استام ەتنومادەني بىرلەستىكتەر، انالار كەڭەسى جانە اقساقالدار كەڭەسى جۇمىس ىستەيدى. وڭىرلەردە اشىلعان دوستىق ۇيلەرى دە ەتنومادەني بىرلەستىكتەردىڭ عانا ەمەس، جەرگىلىكتى قاۋىمداستىقتىڭ، ۇكىمەتتىك ەمەس ۇيىمدار مەن جاستاردىڭ ورتاسىنا اينالدى. ەلىمىزدىڭ بارلىق وڭىرىندە ق ح ا جۋرناليستەر كلۋبى جانە ەتنيكالىق ب ا ق جۇمىس ىستەيدى.
بيىل 20,3 ميلليون قازاقستاندىق بۇل مەيرامدى تاتۋلىق پەن دوستىقتىڭ بەلگىسى رەتىندە اتاپ وتەدى. ۇلتتىق ستاتيستيكا بيۋروسىنىڭ مالىمەتى بويىنشا قازاقستان حالقىنىڭ جالپى سانى - 20316155 ادام. ء بىر شاڭىراق استىندا ءتۇرلى ۇلت پەن ەتنوس وكىلدەرى بەيبىت ءومىر ءسۇرىپ جاتىر:
قازاقتار - 14456709
ورىستار - 2963938
وزبەكتەر - 678487
ۋكرايندار - 371807
ۇيعىرلار - 305648
نەمىستەر - 223272
تاتارلار - 218926
ءازىربايجاندار - 155364
كارىستەر - 120686
تۇرىكتەر - 91732
دۇنگەندەر- 86067
بەلارۋستار - 74389
تاجىكتەر - 58712
كۇردتەر - 51171
قىرعىزدار - 40200ايتۋلى مەرەكەنىڭ قۇرمەتىنە بۇگىن ەلوردادا زياتكەرلىك ۆيكتورينالار مەن كورمەلەردەن باستاپ ءتۇرلى كونتسەرتتەر مەن جارىستارعا دەيىن ونداعان مادەني- سپورتتىق ءىس- شارا وتكىزۋ جوسپارلانىپ وتىر.
سونىمەن بىرگە، استانا جانە الماتى قالاسىندا قازاقستان حالقى اسسامبلەياسىنىڭ 30 جىلدىعى مەن قازاقستان حالقىنىڭ بىرلىگى كۇنى اياسىندا جۇگىرۋدەن مارافون وتەدى.