1-شىلدە كۇنى ەلدىڭ بىرنەشە وڭىرىندە داۋىلدى ەسكەرتۋ جاريالاندى

استانا. KAZINFORM - «قازگيدرومەت» ر م ك- سى ەلىمىزدىڭ ءبىرقاتار وڭىرىنە اۋا رايىنا بايلانىستى ەسكەرتۋ جاسادى.

اقمولا وبلىسىندا 1-شىلدە كۇنى باتىسىندا، سولتۇستىگىندە جانە شىعىسىندا نايزاعاي بولىپ، كۇندىز بۇرشاق جاۋادى. تۇندە جانە تاڭەرتەڭ باتىسىندا، سولتۇستىگىندە جانە شىعىسىندا تۇمان تۇسەدى.

استانادا 1-شىلدە كۇنى كۇندىز نايزاعاي بولادى.

الماتى وبلىسىندا 1-شىلدەدە تاۋلى اۋدانداردا نايزاعاي بولادى. تاۋلى ايماقتاردا سولتۇستىك-شىعىستان سوعاتىن جەلدىڭ ەكپىنى 15- 20 م/س جەتەدى. وبلىستىڭ سولتۇستىگىندە، باتىسىندا جانە ورتالىعىندا توتەنشە ءورت قاۋپى ساقتالادى، ال وڭتۇستىگى مەن شىعىسىندا ءورت قاۋپى جوعارى بولادى. الماتىدا 1-شىلدە كۇنى ءورت قاۋپى جوعارى دەڭگەيدە ساقتالادى.

جامبىل وبلىسىندا 1- 5 -شىلدە ارالىعىندا تۇنگى اۋا تەمپەراتۋراسى +17+22 دەن +25+30 عا دەيىن، كۇندىز +30+35 تەن اپتاپ ىستىق +40+45 گرادۋسقا دەيىن كوتەرىلەدى. وسى كەزەڭدە توتەنشە ءورت قاۋپى ساقتالادى.

تۇركىستان وبلىسىندا 1- شىلدەدە توتەنشە ءورت قاۋپى ساقتالادى. بۇل جاعداي شىمكەنت پەن تۇركىستان قالالارىنا دا قاتىستى.

اتىراۋ وبلىسىندا 1-شىلدە كۇنى تۇندە باتىسىندا، سولتۇستىگىندە جانە وڭتۇستىگىندە نايزاعاي بولادى. كۇندىز باتىسى مەن سولتۇستىگىندە وڭتۇستىك-باتىستان سوعاتىن جەلدىڭ ەكپىنى 15- 20 م/س جەتەدى. وڭتۇستىگىندە ءورت قاۋپى جوعارى دەڭگەيدە ساقتالادى.

قاراعاندى وبلىسىندا 1-شىلدەدە سولتۇستىگى مەن شىعىسىندا نايزاعاي بولادى. باتىسىندا، شىعىسىندا جانە وڭتۇستىگىندە توتەنشە ءورت قاۋپى ساقتالادى. قاراعاندىدا 1-شىلدەدە نايزاعاي وينايدى.

ماڭعىستاۋ وبلىسىندا 1-شىلدە تۇندە سولتۇستىگىندە نايزاعاي بولادى. باتىسىندا، وڭتۇستىگىندە جانە ورتالىعىندا ءورت قاۋپى جوعارى. اقتاۋدا 1 -شىلدە كۇنى ءورت قاۋپى جوعارى دەڭگەيدە بولادى.

باتىس قازاقستان وبلىسىندا 1-شىلدە تۇندە نايزاعاي، كۇندىز باتىسىندا، سولتۇستىگىندە جانە شىعىسىندا نايزاعاي بولىپ، بۇرشاق جاۋادى. باتىسىندا، سولتۇستىگىندە جانە وڭتۇستىگىندە وڭتۇستىك-باتىستان جانە باتىستان سوعاتىن جەل 15- 20 م/س دەيىن كۇشەيەدى. ورالدا 1-شىلدە كۇنى نايزاعاي، كۇندىز بۇرشاق، جەل ەكپىنى 18 م/س بولادى.

ۇلىتاۋ وبلىسىندا 1- شىلدە كۇنى وڭتۇستىگىندە كۇندىز 35 گرادۋسقا دەيىن اپتاپ ىستىق بولادى.

اقتوبە وبلىسىندا 1-شىلدە كۇنى باتىسىندا، سولتۇستىگىندە جانە ورتالىعىندا نايزاعاي بولادى. كۇندىز سولتۇستىگى مەن شىعىسىندا وڭتۇستىك جانە وڭتۇستىك-باتىس باعىتتاعى جەل 15- 18 م/س دەيىن كۇشەيەدى. ورتالىعىندا توتەنشە ءورت قاۋپى ساقتالادى. اقتوبەدە 1-شىلدەدە جەل ەكپىنى 15- 18 م/س جەتەدى.

پاۆلودار وبلىسىندا 1- شىلدەدە نايزاعاي بولجانۋدا. سولتۇستىگى مەن باتىسىندا سولتۇستىك- باتىستان سوعاتىن جەلدىڭ ەكپىنى 15- 20 م/س جەتەدى. پاۆلوداردا - شىلدە كۇنى نايزاعاي بولادى.

شىعىس قازاقستان وبلىسىندا 1-شىلدەدە سولتۇستىگى مەن شىعىسىندا جاڭبىر جاۋىپ، كۇندىز بۇرشاق جاۋىپ، داۋىل تۇرادى. سولتۇستىك- باتىستان سوعاتىن جەل سولتۇستىگىندە، شىعىسىندا جانە وڭتۇستىگىندە 15- 20 م/س، كۇندىز ەكپىنى 23- 28 م/س دەيىن جەتۋى مۇمكىن. وڭتۇستىگىندە ءورت قاۋپى جوعارى. وسكەمەندە 1- شىلدە كۇنى نايزاعاي بولىپ، كۇندىز بۇرشاق جاۋىپ، داۋىل تۇرادى. جەل ەكپىنى 23 م/س دەيىن كۇشەيەدى.

اباي وبلىسىندا 1-شىلدە كۇنى باتىسىندا، سولتۇستىگىندە جانە وڭتۇستىگىندە نايزاعاي بولىپ، كۇندىز بۇرشاق جاۋىپ، داۋىل سوعادى. باتىسىندا، وڭتۇستىگىندە جانە ورتالىعىندا باتىس، سولتۇستىك- باتىستان سوعاتىن جەل 15- 20 م/س، كۇندىز ەكپىنى 23- 28 م/س دەيىن جەتەدى. شىعىسىندا ءورت قاۋپى جوعارى، وڭتۇستىگىندە توتەنشە ءورت قاۋپى ساقتالادى. سەمەيدە 1-شىلدە كۇنى نايزاعاي، كۇندىز بۇرشاق جاۋىپ، داۋىل تۇرادى. جەل ەكپىنى 23 م/س دەيىن جەتۋى مۇمكىن.

قوستاناي وبلىسىندا 1-شىلدەدە كۇندىز باتىسى مەن سولتۇستىگىندە نايزاعاي بولادى. تۇندە سولتۇستىگى مەن شىعىسىندا تۇمان بولادى. وڭتۇستىك- باتىسىندا توتەنشە ءورت قاۋپى ساقتالادى. قوستانايدا تۇندە تۇمان تۇسەدى.

سولتۇستىك قازاقستان وبلىسىندا 1-شىلدە تۇندە سولتۇستىگى مەن شىعىسىندا نايزاعاي، كۇندىز باتىسىندا، سولتۇستىگىندە جانە شىعىسىندا نايزاعاي ويناپ، بۇرشاق جاۋادى. تۇندە جانە تاڭەرتەڭ باتىسى مەن سولتۇستىگىندە تۇمان بولادى. باتىسىندا، سولتۇستىگىندە جانە شىعىسىندا جەل 15- 20 م/س دەيىن كۇشەيەدى. وڭتۇستىگىندە ءورت قاۋپى جوعارى. پەتروپاۆلدا 1- شىلدە كۇنى نايزاعاي، تۇندە جانە تاڭەرتەڭ تۇمان بولادى.

جەتىسۋ وبلىسىندا 1-شىلدەدە شىعىسىندا باتىستان سوعاتىن جەلدىڭ ەكپىنى 15- 20 م/س جەتەدى. كۇندىز 35 گرادۋسقا دەيىن اپتاپ ىستىق بولادى. 1- 4 -شىلدە ارالىعىندا باتىسى مەن وڭتۇستىگىندە ءورت قاۋپى جوعارى، سولتۇستىگى، شىعىسى جانە ورتالىعىندا توتەنشە ءورت قاۋپى ساقتالادى. تالدىقورعاندا 1- 4 شىلدە ارالىعىندا توتەنشە ءورت ءقاۋپى ساقتالادى.

قىزىلوردا وبلىسىندا 1-شىلدەدە توتەنشە ءورت قاۋپى ساقتالادى.

جامبىل وبلىسىندا 1-شىلدەدە تاۋلى اۋدانداردا سولتۇستىك- باتىستان سوعاتىن جەل 15- 20 م/س كۇتىلەدى. وبلىس بويىنشا توتەنشە ءورت قاۋپى ساقتالادى، شىعىسىندا - جوعارى ءورت قاۋپى. تارازدا 1-شىلدە كۇنى توتەنشە ءورت قاۋپى ساقتالادى.