قازاقستاندا 1 جاستان 6 جاسقا دەيىنگى ءاربىر بالاعا اي سايىن اقشا تولەنۋى مۇمكىن
كوزدەلىپ وتىرعان وزگەرىستەر «مەملەكەتتىك اتاۋلى الەۋمەتتىك كومەك تۋرالى» زاڭعا قابىلدانعان تۇزەتۋلەرگە بايلانىستى ەنگىزىلمەكشى.
اتاپ ايتقاندا، مىناداي جاڭاشىلدىقتار ۇسىنىلىپ وتىر:
- كەپىلدى الەۋمەتتىك پاكەتتى ۇسىنۋ، ونىڭ قۇنىن وتەۋ ءتارتىبىن، سونداي-اق الەۋمەتتىك قىزمەتتەر پورتالىنىڭ جۇمىس ىستەۋ ماسەلەلەرىن رەتتەيتىن ەرەجەلەردى الىپ تاستاۋ؛
- ا ا ك كورسەتۋگە ءوتىنىش بەرۋ ءتارتىبىن پرواكتيۆتى فورماتتا ۇيىمداستىرۋ؛
- «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ا ا ك ۋاقتىلى تولەۋدى قامتاماسىز ەتۋى جانە ا ا ك تولەمدەرىنىڭ اي سايىنعى قاجەتتىلىگىن، تولەمدەر كەستەسىن قالىپتاستىرۋ، ءتيىستى ۋاكىلەتتى مەملەكەتتىك ورگانعا ا ا ك تولەۋگە قاراجاتتىڭ قاجەتتىلىگى تۋرالى ءوتىنىمدى جىبەرۋ جونىندەگى قۇزىرەتىن ايقىنداۋ؛
- ا ا ك تاعايىنداۋ كەزەڭىنە 1 جاستان 6 جاسقا دەيىنگى ءاربىر بالاعا 1,5 ا ە ك مولشەرىندە قوسىمشا تولەم بەلگىلەۋ.
بۇل رەتتە پرواكتيۆتى قىزمەت ونى الۋشىنىڭ ءوتىنىشىنسىز-اق، ياعني، جاۋاپتى ۆەدومستۆونىڭ باستاماسى بويىنشا كورسەتىلەتىنى ايتىلعان.
ا ا ك الۋشى ۋچاسكەلىك كوميسسياعا ءوزىنىڭ ماتەريالدىق جاعدايىن تەكسەرۋگە كەلىسىم بەرۋى اتاۋلى الەۋمەتتىك كومەكتى پرواكتيۆتى فورماتتا تاعايىنداۋعى نەگىز بولماق.
وسىلايشا، ۋچاسكەلىك كوميسسياعا ماتەريالدىق جاعدايىنا تەكسەرۋ جۇرگىزۋگە كەلىسىم بەرىلگەن كۇن ا ا ك تاعايىنداۋعا ءوتىنىش بەرگەن كۇن بولىپ ەسەپتەلەدى.
سونداي-اق قۇجاتتا ا ا ك- ءتى بەلسەندى فورماتتا تاعايىنداۋ ءۇشىن موبيلدى ازاماتتار بازاسىندا تىركەلگەن ۇيالى بايلانىستىڭ ابونەنتتىك ءنومىرىن تىركەۋ قاجەت ەكەندىگى ايتىلعان.
ءبىر جاستان التى جاسقا دەيىنگى ءاربىر بالاعا ا ا ك جانە اي سايىنعى قوسىمشا تولەمدى تولەۋدى ۋاكىلەتتى ورگان مەملەكەتتىك كورپوراتسيا ارقىلى اتاۋلى الەۋمەتتىك كومەك تولەۋ جونىندەگى ۋاكىلەتتى ۇيىمداعى بانك شوتتارىنا نەمەسە ەلەكتروندىق امياندارعا ەلەكتروندىق اقشامەن اۋدارۋ ارقىلى جۇرگىزەدى.
بۇل رەتتە ءبىر جاستان التى جاسقا دەيىنگى بالالارعا اي سايىنعى قوسىمشا تولەم بالالاردىڭ جاسىن ەسكەرە وتىرىپ، اعىمداعى توقسانعا ا ا ك الۋشىلارعا تاعايىندالادى جانە اي سايىن تولەنەدى.
ا ا ك تاعايىنداۋ تۋرالى وتىنىشتە ءبىر جاستان 6 جاسقا دەيىنگى بارلىق بالالاردى، ونىڭ ىشىندە اعىمداعى توقساندا ءبىر جاسقا تولعان بالالاردى كورسەتۋ قاجەت.
اتاۋلى الەۋمەتتىك كومەك تاعايىنداۋ تۋرالى شەشىمدە بالانىڭ جاسىن ەسكەرە وتىرىپ، بالالارعا اي سايىنعى قوسىمشا تولەم تولەۋ كەزەڭى كورسەتىلەدى. بالا قايتىس بولعان جاعدايدا اي سايىنعى قوسىمشا تولەم بالا قايتىس بولعان ايعا تولەنەدى.
جاردەماقى بەرۋ جونىندەگى قىزمەتتەرگە اقى تولەۋ مەملەكەتتىك كورپوراتسيا مەن مەملەكەتتىك اتاۋلى الەۋمەتتىك كومەك تولەۋ جونىندەگى ۋاكىلەتتى ۇيىم اراسىندا جاسالاتىن شارت نەگىزىندە جۇرگىزىلەدى دەپ كوزدەلەدى.
بۇيرىق جوباسى اشىق ن ق ا پورتالىندا 25- قاراشاعا دەيىن قوعام تالقىلاۋىنا ۇسىنىلىپ وتىر.