تۇركىمەنستان الداعى جىلى 1.6 ميلليون توننا بيداي الۋدى جوسپارلاپ وتىر
12:26, 12 - قازان 2014
استانا. قازاقپارات - 2015 - جىلى تۇركىمەنستاندا 1.6 ميلليون توننا بيداي استىق الۋ جوسپارلاندى، دەپ حابارلادى trend.az سايتى ەلدىڭ اۋىل شارۋاشىلىعى مينيسترلىگىنە سىلتەمە جاساي وتىرىپ.
ناقتىراق ايتقاندا، احال وبلىسى 450 مىڭ توننا، داشوگۋز 300 مىڭ توننا، لەباپ ءۋالاياتى 350 مىڭ توننا، مارى ءۋالاياتى 380 مىڭ توننا، بالقاندا 120 مىڭ توننا استىق الۋ ماقسات ەتىلگەن.
«نەيترالنىي تۋركمەنيستان» گازەتىنىڭ سەنبى كۇنگى شىعارىلىمىندا «860 مىڭ گەكتاردى قۇرايتىن بارلىق ەگىس القاپتارىندا ەگىن سالۋ ناۋقانى اياقتالدى»، دەپ جازدى.
«بۇگىنگى تاڭدا بارلىعى 730 مىڭ گەكتاردان استام جەرگە بيداي سەبىلگەن، بۇل بارلىق ەگىس القابىنىڭ 85 پايىزىن قۇرايدى. كۇندەلىكتى 12200 (1.5 پايىز) گەكتارعا بيداي سەبىلەدى»، - دەلىنگەن ماقالادا.