ساۋد ارابياسىنا قاجىلىققا 1,5 ميلليون ادام كەلدى
ساۋد ارابياسى قاجىلىق جانە ۋمرا مينيسترلىگىنىڭ مالىمەتىنشە، بيىل شەتەلدىكتەر ءۇشىن قاجىلىق قۇنى 9 ارزانداعان.
مينيسترلىك بيىل قاجىلىققا كەلۋشىلەر سانى پاندەمياعا دەيىنگى دەڭگەيگە ورالادى دەپ ۇمىتتەنىپ وتىر.
ساۋد ارابياسىنىڭ قىزىل جارتى اي قوعامداستىعى قاجىلىق جاساۋشىلارعا شۇعىل كومەكتەسۋ ءۇشىن 2300 ەرىكتى جىبەرەدى، دەپ حابارلايدى Al Arabiya.
قىزىل جارتى اي قوعامداستىعىنىڭ مالىمەتىنشە، 2200 دەن استام مەديتسينالىق قىزمەتكەر توتەنشە جاعداي تۋىنداعان جاعدايدا قاجىلىققا كەلۋشىلەرگە كومەك كورسەتۋگە دايىن.
240 تان استام جەردەگى جانە اۋە جەدەل جاردەم كولىكتەرى كۇتۋ رەجيمىندە بولادى.
ساۋد ارابياسى بيلىگى كوروناۆيرۋس پاندەمياسىنا بايلانىستى كارانتيندىك شەكتەۋلەر ەنگىزگەنگە دەيىن جىل سايىن شامامەن 2,6 ميلليون ادام قاجىلىق جاسايتىن.
قاجىلىق - يسلامنىڭ بەس شارتىنىڭ ءبىرى. مۇمكىندىگى بار ءار مۇسىلمان ومىرىندە ءبىر رەت بولسىن مەككەگە كەلىپ، قاجىلىق پارىزىن ورىنداۋى ءتيىس.
بيىل قاجىلىق 26- ماۋسىمدا باستالادى.